Op de wyse: Adam was een verlooren Man. GHy mijn Godt en mijn schepper jent,Gene.1,27. V met ghenaden tot my went, En verhoort doch mijn claghen, En uwen Gheest doch in my sent,Psal.55,2. Om te doen u behaghen. Richt my op, ende gheeft my moet, Dat ick mach u beloften goet, Recht verstaen en betrouwen, En die aennemen met der spoet, En vast daer aen mach houwen. Ia 'tghene dat ghy my ghebiet, Dat ick dat mach versuymen niet,
Door mijn ydel ghedachten, Die my dickwils in groot verdriet Brenghen, hoort doch mijn clachten. Een ghenadighe Godt weest my, Ghy weet, O Heere, dat ick zy Ellendich vol gebreken, Stondt ghy met uwen Troost niet by, Soo waer ick haest versteken. Troost my doch nu, o Heere, voort Ioan.6,51.En spijst my door u heylich woort D'welck gheeft het eeuwich leven, Al 'tgheen dat my daer toe behoort, Wilt my oock mede gheven. Psa.51,19.Een hert ghebroken aldermeest, Esa.59,13.Daer toe eenen willigen gheest En een ghemoet Psa.34,19.versleghen, Dat u van gantscher herten vreest, En wandelt in u weghen. By u wil ick blyven alleyn, Mat.5,8.Wilt doch maken mijn herte reyn, Van al onreynen dingen, Die vleesch en bloet nu int ghemeyn My doen te voorschijn bringhen. En als ick soo ghereynicht bin, Soo wil ick dan met hert en zin, Singhen, en my verblyden, In u, o Godt, voor dit ghewin, V loven t'allen tyden. Rust u met my, ghy Christen schaer, Om te verschynen voor Godt claer, En synen Naem te prysen, Want hy is des waerdich voorwaer, Dat wy hem eer bewysen. 1.Petr.2,9.En gheven hem om sijn daet danck, En dienen hem ons leven lanck En sijn deucht verconden, Die ons (doe wy waren 1.Pet.2,24.seer kranck) Heylde door Christi wonden. Mat.11,28Naer dat wy seer waren beswaert, Heeft hy ons synen wil verclaert, Dat velen blijft verborghen, Dat heeft hy ons gheopenbaert, Hy wil ons oock versorghen. 1.Petr.5,7.Soo beveel ick nu in u hant,
Mijn ziel en lijf, doet my bystant,Psal.31,6. Mijn Godt, ick wil nu rusten,Luc.23,46. In u beloften valiant, My stadelijck belusten.
Cookies on Poetry Cove