Op de wyse: Alle lieve vrienden mijn. Exo.20,10.BEgint nu doch van der jeucht Den Heer leeren te vreesen En schicken u 2.Petr.1,7.so totter deucht En hebt daer in al u geneucht Met eenen stillen wesen. Al die dese nemen aen Nu in haer jonghe dagen, En gestadich daer in voortgaen, Die sullen dan nae Schrifts vermaen Den Heer moghen behaghen.
Richten sal hy haren ganck Naer het eeuwighe leven En stercken sy, alIohan.3,16. zijn sy cranck Dat sy met hem het leven lanc Eeuwich worden verheven. Blijft men soo in desen tijdt Nu in die vrees' des Heeren Soo salmen zijn gebenedijt En van den tweeden doot bevrijtApoc.22,14 Namaels comen ter eeren. En dan so leert men resoluyt Hem voor die zonde wachten Gods vreeseEccles.1,28 drijft die zonde uyt, Soo men die deur voor dieven sluyt En die uyt keert met crachten. Leert Godt vreesen, want dat sal V veel goets toe bringen V leeren 'tgoet doen over alPsal.34,10. En Gods genaed' sonder getal, Overvloedich toe bringhen. Het sal u in Gods gherichtEccles.1.* Versekeren, bevryden Dat ghy met goeder toeversicht Met den Heer int claer ghesicht V eeuwich sult verblyden. En wilt doch versuymen niet Maer gestadich betrachten Wat God beveelt en u gebiet Dat ghy dat doet sonder verdriet Houdent in u ghedachten. Neemt waer in dit leven dijn Eert u Ouders met reden, En wilt altijdtEphes.6,1. ghedachtich zijn Aen die smerte, 'tleyt in die pijn,Tob.4,31. Die sy voor u eerst leden. Dit moet ghy vergelden haer Met weldoen goedertierich En zijn gehoorsaemCollos.3,23. voor en naer Als een vroom, deuchtsaem kint eerbaer, Zedich en manierich. Roept seer neerstich totten Heer Wt al uwen vermogen, Seght: lieve Heer, siet doch eens neer Helpt my, die jeuchdich ben en teer, Wilt my u gonst toe voeghen.
Ick beveel in uwe handt O Heer alle mijn saken, Gheeft my doch wijsheyt en verstandt Dat ick deur 'tduyster aerd'sche landt In den Hemel mach raken. Actor.2,38.Cracht deur uwen goeden Gheest En sterckheyt my omgeve, Om u te dienen onbevreest Ghehoorsamich int minst en meest Soo langhe als ick leve. Psalm.78,8.Keert u aenschijn niet van my Maer wilt my doch beraden Beschermen, en my maken vry, En staen in al benouwen by Wt louterer ghenaden. Soo dat ick mijn jeuchde soet Macht recht na het behooren Door bringen, en dan wel gemoet Verwachten het eeuwige goet Met allen uytvercooren.
Cookies on Poetry Cove