Na de wyse van den 100. Psalm: Ghy volckeren, etc. TE verstercken nu uwen Gheest,Rom.1,7. Wensch ick u Gods ghenade meest, Mijn lieve Suster in dees stondt, Op dat ghy meucht van herten grondt. Recht wandelen in Godes Wet,Ioan.14,30 Met eenen leven onbesmet, Godt meucht altijt zijn ghehoorsaem,Gal.3,26. Die u gaf den kindtlijcken naem.Eph.4,2. Ieghelijck neem waer sijn veroop,2.Ti.4,7. Dat hy mach eenen goeden loop, Loopen, soo langhe als hy leeft, Dewijl hem Godt beroepen heeft. Naer het nieuwe Ierusalem,Apoc.21.2. En dat deur Iesus Christus stem, Op dat wy souden seer verheucht, Dat besitten met grooter vreucht. Gaet recht op Christus smalle padt,Matt.7,13. Hy leydt u naer de schoone Stadt, De werelt ghy verlaten moet, En haer boos wercken die sy doet. En hebt gheen ghemeynschap met haerEphes.5,11. Des vleesch wercken zijn openbaer,Galat.5,19. Wiese volbrenght, comt in den noot, Hy moet sterven de quade doodt. Reyn houdt u van lichtveerdicheyt, Quaet gheselschap den Mensch verleyt,2.Cor.6,14.
Met yd'len lieden niet verkeert, Dat ghy haer zeden niet en leert. Rust u, en wederstaet de jeucht, Rom.6.*'Tvleesch is gheneghen tot ondeucht, 1.Ioan.2,15Dees boos Weerelt niet en bemint, Denckt dat ghy zijt een Godes kint. In al u wesen weest doch stil, En matich nae des Heeren wil, 1.Pet.3,10.Tot aller tijdt den mondt bewaert, Dat u ziel niet en word' beswaert. matt.25,21.Trou zijt nu, ghy wordt trou gheacht, Exo.19,6.Te zijn van het heylich gheslacht, 1.Petr.2,9.En Conincklijcke Priesterdom, Daer om zijt van ghemoede vrom. Seght Godt den Vader lof en danck, Met vreuchden al u leven lanck: Wilt hier deur worden seer ghesticht, Dat ick uyt liefden heb ghedicht.
Cookies on Poetry Cove