Op de wijse: van den 8. Psalm, O onse God en Heer seer hoogh ghepresen. Mat.19,24MAect my bequaem lief Heere deur ghenade, Phil.2,7.Dat ick my gantsch versake en versmade Gal.5,1.En my mach selve heel te buyten gaen, En soo in volcomen vryheyt bestaen. Ioan.8,38.Als ick mijnen wil doe, blijf ick ghevangen Onder d'aertsche en tijdtlijcke verhanghen, En dienstbaerlijck ghelijck een onvry knecht Hier van wilt my doch Heer bevryden recht. Recht te soecken leert my doch na 'tbehooren Wat u behaecht en ghy hebt uytvercooren, Dat ick dat bedencken en stichten mach, Luce,28,29.En daer na jaghen neerstich nacht en dach. Iae gheeft my alle dinghen te verlaten Dat ickse mach vinden in goeder maten, Want worde mijn begeeren uyt gheblust, Mat.11.29Soo vond' ick in u Heer mijn rechte rust. Kenlijck laet my dit mijn hert te ontfincken In mijn ghemoet ghestadelijck bedincken, Ioan.8,32.Want als dit sal soo zijn vervult in my, Sal ick verstaen waer deur ick worde vry.
En laet my doch niet vertsagen met schromen Aensiende uwen hooghen wegh volcomen,1.Cor.2,31. Dat ick daer toe met recht comen en can, Maer dat mijn swacheyt my noch houdt daer van. Nochtans wil ick my tot hopen beghevenHebr.10,23. Beweeght van binnen om t'beste verheven,Matt.22,2 Te arbeyden nu neerstich metter spoet, Daer toe lief Heere my nu bystant doet. Van verlangen sucht ic uyt 'shertsen grondt Och oft alsoo, lief Heere, met my stonde, En die sake doch was ghecomen daer, En mijn eyghen liefhebber niet en waer. Alsoo dat ick heel louter ende stille, Gantsch waer verset, o God, na uwen willeIoan.17,8. Dennen gy my wel liet maken bekent Door uwen Soon dien ghy ons hebt ghesent. Noyt meerder goet, mocht ick u so behagen En dat in vrede mochten zijn mijn daghen, Och waer my dit van u soo by ghebrocht, Dat ic mijn tijt met vreucht verslyten mocht, Snel gheeft my al 'tgeen te verlaten HeereHebr.12,1. Dat my aenhanght tegens uwes naems eere Oft doet aencleven het zy groot oft cleyn, Door u ghenade maeckt my daer van reyn. Weest mijn berader, ick com nu gheloopen, Om ghebrand goudt Heere van u te coopen,Apoc.3,18. Naer uwen raet, dat ick mach worden rijck, En deur d'armoede hier niet en beswijck. IN my wilt storten Heere uyt ghenaden Hemelsche wijsheyt, die my leer versmaden,Colloss.3,2. Alle leghe dinghen met vryen moet, Dat ickse mach treden onder den voet. Dat so verval d'aertsche wijsheyt met allen, Daer toe 'tmenschlijck en het eygen ghevallen Lief Heer ghy presenteert my goeden coop,
'Themelsche voor den slechten aertschen hoop. En daerom wilt my desen schat verborghen matt.13,44.Laten verschynen liever huyd als morghen, En als ick hem gevonden hebben sal, Dat ick daerom mijn mach vercoopen al. Rechte verlichte ooghen wilt my gheven, Ephes.1,18.En cracht deur uwen heyligen Geest daer neven Om dit te soecken deuchdelijck bequaem, Tot heerlijckheyt van uwen heylgen naem. En my tot mijnder zielen salicheyde, Deut.31,6.Vwe rechte handt my, lief Heer, soo leyde, Door 'tjammerdal nae die erffenis schoon, Met vreden by u in des Hemels Throon. Nacht en de dach laet dit zijn mijn verlangen Vwen Engel recht en stier so mijn ganghen, Soo langh ick ben in des levens termijn, Laet dit deur Iesum Christum, Amen zijn.
Cookies on Poetry Cove