Op de wyse: O Mensch, wilstu geerne salich zijn, etc. GOdt die wil u sijn milde handt Gheven tot allen stonden, Mijn liefste, dat ghy met den bandt Der liefden blijft ghebonden. Ende altijt recht meucht voortgaen Also ghy hebt begonnen, Op Christus IesusMat.7,13. smalle baen, Tot dat ghy hebt verwonnen. Recht is onder het Cruys de Croon Int eynde schoon gheleghen, Wilt alle tijdt neersticheyt doen Tot ghyse hebt vercreghen. Toont u in alle teghenspoet, Als Christus Bruyt ghepresen,Iac.1,17. Van Godt comt anders niet dan goet, Die wil hulper wesen. Raden laet u nae 'sHeeren Woort, Soo Petrus heeft gheschreven: Ghelijck den Vrouwen toebehoort,1.Pet.3,1. Wilt doch ghehoorsaem leven. Wilt altijdt onderdanich zijn, En u met deuchden cieren: Dat ghy in alle uwen schijn Toont recht Christen manieren. Te recht hebben haer soo verciert In den voorighen daghen De Vrouwen, en daer niet gheleertGen.18,12.
Dat ghy't naer soudet jaghen. Rom.12,18.VAN herten grondt tot aller tijt Wilt na den vrede haken, 2.Pet.3,14.Op dat als Christus comt subijt, Dat hy u vinde waken. WEL haer, die hy vindt soo bereyt, Mat.25,3.Dat hare Lampen branden, Die slapen en zijn onbecleydt, Comen alle tot schanden. PENninghen nochte overvloet, Mach niemant daer bevryden, Maer wie nu Gods wille doet, Die siet men daer verblyden. DORPen en Steden al ghelijck 2.Pet.3,10.13.Sullen met vyer verbranden, Een nieuwe aerd' en Hemelrijck, Is den vroomen voorhanden. Liefste, houdt u doch altijt CLOECK, Zijt Godt van my bevolen, Vwen naem zy in 'slevens Boeck, Gheschreven onverholen.
Cookies on Poetry Cove