Op de wyse: Die Nachtegael sanck met syner tale, ofte: mynen gheest die heeft altijt verlanghen, etc. LIef Heere weest my doch beradich In mynen jeuchdelijcken stant, Weest ghy mijn helper, Heer ghenadich En leydt my soo met uwer handt. Iae dat ick mijn jeuchdelijck leven Verslyten mach tot uws Naems eer Mijn ledekens tot deucht begheven,
Hier toe helpt my o lieve Heer. Soo dat mijn hert niet en verhange Aen 'swerelts vreucht die haest vergaet Haer heerlijckheyt en duyrt niet langhe1.Cor.7,32. Hy is wijs diese vroech verlaet. Buycht mijn ghemoet tot uwer vreesen Al eer die zond' in my crijcht cracht Dat ick u mach (o Heer) ghepresen, Ghehoorsaem dienen dach en nacht. Ey laet my Heer tot u ghenaken Om u te dienen vroech opstaen Op dat ick namaels mach gheraken Met u in u vreuchde te gaen.Mat.25,23 Troostlijck staet by my t'allen tyden En hebt Heer op u schepsel acht Die gantsch teer ben aen alle zyden Vol swackheden van cleynder macht. Al bloey ick nu ghelijck die bloemen Die bloem valt af, en 'tgras verkeertEsai.40,6. Soo cant met my oock haestich coemen, Heere my dit bedencken leert. Laet my d'ootmoedicheyt bewarenMat.11,20 Vernedert in mijns herten zin Want ick doch weet na Schrifts verclaren, Dat ick stof, aerd' en asschen bin. Voor al leert my mijn Ouders eerenGen.18,27. Met wercken en met daden fijnEphes.6,1. Neerstich te doen al haer begeeren,Col.3,10. Alst sal na uwen wille zijn.Exo.20,12. WIlt my (lief Heere) soo ontfincken En leyden nae die schoone stadt Daer men, ghelijck die Son sal blincken, Och wijst my doch op desen padt.mat.13,43 Ieuchdlijck wilt dit in my beginnen En uytvoeren ten eynde schoon Dat ick o Heer mach comen binnen,
2.Esdr.2,7.Om t'ontfanghen des levens croon. Nae dese laet mijn ziel verlanghen Maeckt my doch weerdich en bereyt 1.Petr.1,4.V erffenisse te ontfanghen, Die duyren sal in eeuwicheyt. Sonder u wy't niet en vermoghen Daerom ons Heere doch aensiet Psal.70,2.Met uwen ghenadighen ooghen, En uwe milde handt ons biedt. DOCH dat wy moghen al met namen Hier namaels in u eeuwich rijck Met allen heylighen versamen, Den Engelen worden ghelijck. TER rechter handt worden ghewesen Eeuwich te zijn ghebenedijdt O Heere doch tot alle desen, Ons berader en helper zijt.
Cookies on Poetry Cove