Op de wyse: van de 10. Gheboden: heft op u hert, etc. HEere wilt mijnder zielen ghevenMat.11,30. Dat sy mach hebben rechte rust In dit jammerlijck corte leven, Daer toe stiert al mijns herten lust. Een sacht verneert wesen ootmoedichCol3,12. Een hert ghebroken aldermeestPsal.51,19. Schept doch in my (o Heere) goedich, Door uwen goeden heyl'gen Gheest. Natuyrlijck sietmen hier ghebeuren Gelasen packtmen in sacht goet Soo bewaertmen die ziel voor't truyren, Hier in een sachtmoedich ghemoet. Recht laet dees' voormuyr staen verstyven Dats alle slaghen schutten mach En mijn ziel onghequetst mach blyven, Als aencomt den heftighen slach. Ia dat ick u Godt mach omvanghen, In het bloeyende bed heel sachtCant.1,16.
En ghy daer in na u verlanghen Meucht sorchlijck rusten dach en nacht. Cant.1.1.Cussen my soo met uwen vrede Waer in u plaetse is ghestelt Desen zeghen deelt my oock mede, 1.Petr.3,11.Daer na te jaghen met ghewelt. Gheeft my 'tghemoet recht te bedwinghen Op dat ick my niet en verlies Nochte hier om geenderley dinghen, Col.3,4.D'aertsche voor 't Hemels en verkies. Eens laet mijn ziel dees' ruste vinden Op dat ick u word' aenghenaem En my met u mach vast verbinden, matt.16,17.V navolghen na mijn betaem. Tot dat ick sal te sterven comen Matt.7,14Soo blyven op den smallen padt En dan namaels met alle vroomen, Apoc.21,1.Mach beerven die schoone stadt. Van uwer goetheyt wy't verwachten Heer siet my met ghenaden aen Ghy weet hoe cleyn ick ben van crachten, Door u goetheyt wilt my bystaen. En houdt my vast met uwen handen Daer met wilt my beschermen doch Op dat ick niet en com tot schanden, Door 'svyants list en valsch bedroch. Neycht u tot my mijn Godt vercooren Help Heer, mijn siel wert seer benout Wilt mijn claechlijck bidden verhooren, Matt.9,15.Sterckt mijn betrouwen menichfout. Psal.31,6.In uwen handen (lieve Heere) Beveel ick nu mijn ziel en lijf Regeert het soo tot uws naems eere, Dat u behaech al mijn bedrijf. Soo sal ick u hoogelijck prysen En u segghen: lof eer en danck
En my oock danckbaarlijck bewysen, Met daden al mijn leven lanck.
Cookies on Poetry Cove