Op de wyse: Ick had een uytvercoren, Maer den tijdt is ghepasseert. INt herte wilt verblyden, Singht victorieus jolijt Vrienden nu in dees tyden Onsen vyandt tot spijt, 1.Petr.4,7.Vyert, ontsteeckt der liefden brandt, Matt.5,15.Het licht schijnt int gantsche Landt, Esai.9,6.Des vredens Vorste, die ons doet bystandt. Ons laet hy nu vergaren, Ioan.14,27.In synen vrede soet, Die voormaels beangst waren, Ier.23,29.Door onverstant onvroet, Anno 1597. 26. Octobr. tot Leeuw.Synen harden jammer slach, Brack ons 'thert dennen dach, Soo men door d'uytghestorte tranen sach. Voor Godt neder ghebooghen
Ghedanckt met stem en mondt, Met vreuchd' weenende ooghen, Vertoont elcx herten grondt, Gheneghen tot eenicheyt, Als vreed'lievende bereyt, Ghegheven handt en mont met goet bescheyt. Christlijk t'samen verbonden, Vast met des vredens bandt, Laet ons nu t'allen stonden, Door desen onderpandt,Ioan.15,17. Vast houden 'tnieuwe ghebodt, Wie sulcks doet, die is uyt Godt, Het dient vercoren voor het beste lot. Kinder Gods al te samen, Die wel met my betracht, Dat elck nae sijn betamen, Wil houden goede wacht,1.Petr.5,8. Teghens den vyandt seer quaet Die ghestadich om ons gaet, Om ons te vernielen vroech ende laet. En hy soeckt te beroven, 'Tgoede begonnen werck, Maer door crachte van boven Sult ghy hem zijn te sterck, Houdt u vast by den Hooftman Die al dinck verwinnen can, Ghy sult ooc verwinnen, wijct niet daer van. Vertoont met daet en reden, Als kinder nieuw ghebaert, 'Twesen der Christi leden, Na Goddelijcker aert,1.Petr.1,4., Voecht u t'samen wel ghesont Verbonden met Gods verbont, Laet het licht blijcken, ende werden condt. En houdt soo Gods gheboden, Wandelt na sijn bevel, Al wat u is van nooden,Levit.26,6. Sal vermeerderen snel, Vreed' sal in u palen zijn, Ghy sult slapen, rusten fijn, Vallen sullense alle vyanden dijn. Rechtveerdicht u niet spoedich, Elckanderen tot last,
Houdt u liever ootmoedich, Soo blijft den vrede vast, Gheeft liever van 't uwe milt, Dan dat ghy noch hebben wilt Eens anders, daer mee wordt onvree ghestilt. 'Tsal zijn Gods welbehaghen, Psa. 34. 15.Soo ghy den vrede goet, Soo neerstich doet na jaghen, Met een Christlijck ghemoet, Ghelijck Christus Iesus dee Om ons te verwerven vree, Och lockt soo elcken om te comen mee. Seer beminde ghepresen, Neemt dit in danck van my, V vreed-lievende wesen, Vertoont met moede bly, Deed' my doen dit cleyn vermaen Aen u, wilt het recht verstaen, Want het uyt reynder liefden is ghedaen.
Cookies on Poetry Cove