Op de wyse: De werelt is gheheel in roere, etc. 1.Reg.1,9.HANNA die heeft tot Godt ghebeden, Vyerich al uyt haers herten grondt Onvruchtbaer was sy, dit gaf reden, Dat sy suchte ter selver stondt: Ely had acht op haren mondt // op 'tpas, Om dat hyse soo stille vondt, Meynde hy dat sy droncken was. Recht neen sprack sy mijn lieve Heere, 1.Reg.1,16.Ick ben beangst, bedruckt onvroet, Ick heb mijn hert' uytgheschudt seere, Voor mynen Godt, in mijn ghemoet: Myner ghedachten overvloet // dit gheeft, Vrienden laet ons aensien met spoet Hoe dat wy hier hebben gheleeft. 2.Cor.11,4.Eenen Man zijn wy al begheven, Christo den Heer ghebenedijdt, 2.Cor.5,15.Dat wy hem alleen souden leven, Ioan.15,8.En vruchtbaer zijn tot aller tijdt, Dat synen Naem ghebenedijdt // nu waer Mat.5,15.Van ons in dese Weerelt wijt, En dat ons licht soud' schijnen claer. Iae vrienden als wy dit bedachten, Ephes.4,1.Wat ons beroepen is nu vry, Ioan.15,2.En wat oneeren die verwachten, Die nu gheen vrucht en brenghen by: Hoe souden wy nu moghen bly // ghezijn, Luce,6,25.Ons lachen, vreuchde, souden wy, Iac.4,9.Bilck in droefheyt verkeeren fijn. Gen.4,13.Niet vertsagen, maer voor Godt treden
Ons noot claghen, uytschudden 'thert',1.Reg.1,15. En doen soo neerstighe ghebeden,Psal.42,5. Maer om dat ons 'tleet niet en smert, Noch voor Gods ordeel zijn verwert // onsachtIoan.3,36. En ons dunckt dat ons niet en dert,Apoc.3,17. Drom houden wy dus quade wacht.macr.13,35. Op dat wy't niet namaels beclaghen,Sap.5,3. En moesten, alst soud' zijn te laet,mat.25,10. Soo laet ons nae de waerheyt vraghen,Luce,8,15. Elck een Gods woordt int herte vaet:mat.13,18. Want elcken maect dit rechte zaet // vruchtbaer,Luc.11,27. Al die't volbrenghen met der daetmatt.25,13. Sullen vreuchde hebben hier naer. Liev' Heer, ons noot doen wy u claghen, Wy vinden ons noch onbereyt,matt.25,10. En moesten in ons doen vertsaghen, Maer op u groote moghentheytmat.19,26. Hopen wy vast met goet bescheyt // nu voortPsal.17,1. V ghenade over ons breyt, En helpt ons nae u heylich woort. Troost ons doch, Heere, sonderlinghen,Ioan.14,16 Door uwen Gheest maeckt ons bequaem, Vwen wille nu te volbringhen, Tot heerlijckheyt van uwen Naem,Mat.6,13. En wy alsoo leven eersaem // voortaen, Als lieve kinders na 'tbetaem,Ephes.5,1. Altijdt moghen in deucht voortgaen.2.Pet.1,5 Soo ghy ons helpt met uwen crachten, Om te baren ons sterckheyt gheeft,Apoc.12,9. Soo moghen wy den strijdt verwachten,Ephes.6,12 Oft schoon den Draeck ons teghen streeft:Apo.12,11. Want sijn macht aen ons niet en heeft // tot scha,Colos.1,13. Ghy bereyt ons de vlucht beleeft, O lieve Heer, door u ghena.
Cookies on Poetry Cove