Op de wyse: Tobias tot sterven gheneghen, etc. Genes.35,11ALmachtich Godt, comt my te baten, Gheeft my int herte te vaten, Wat u // doch nu // Heer doet behaghen, In myne daghen. Mat.10,28En houdt my doch in uwer vresen, Wat mijn doen en laten sal wesen,
Dat gheeft // beleeft // my doch nu spoedich,Mat.25,31. O Heere goedich. Christus u lieve kindt sal comen, Te rechten de boose en vromen, Voorwaer // aldaer // sal hy verclaren, En openbaren. Het ghen' dat hem eer doet bewysen, Is die hongherighe te spysen, Met broot // in noot // om so te wercken, Wilt my verstercken. Troulijck den Armen te bedincken, In dorst te laven, hem te schincken Met troost // altoost // sijn hert te laven Gheeft my die gaven. Blijd'lijck die gasten te logieren, In mijn huys, Heere goedertieren, Arm, Rijck // ghelijck // tot elcker uren, Al sonder treuren. En wilt mijn herte soo bereyden, Om nu den naeckten te becleyden, Met moet // en spoet // hen te verhoghen, Nae mijn vermoghen. Noch meer die kranck ligghen in hoecken Gheeft my lief Heere te besoecken, Met raet // en daet // soo't is gheleghen, Haer vriend'lijck pleghen. En stiert mijn herte met verlanghen, Tot hem die swaerlijck is ghevanghen, Dat mijn // comst fijn // hem mach verblyden In al sijn lyden. Dat ick hier bidde in dit singhen, Laet aen mijn ziele oock volbringhen, Spijst, drinct // en schinct // haer cleeder schooneEsai.52,1. Wt uwen Throone. In u herberghe wiltse leyden,Luc.10,34. Om d'eeuwighe rust te verbeyden, Mijn zeel // gheheel // met desen saken, Wilt soo vermaken.Mat.11,28.
Marc.7,26.Kranck leyt mijn ziel, wilt tot haer comen O lieve Heere uytghenomen, Ghesont // terstont // maecktse gherade, Door u ghenade. Ephes.4,8.'Tghevanckenis wilt Heere breken, Daer in mijn ziele schier besweken Leyt vast // den last // wilt my verlichten, Hier uyt oprichten. Van vreuchden sal mijn hert opspringen, Als ick bevind', lief Heer, dees dinghen Voor al // ick sal // u Godt hier boven, Dancken en loven. Soo wil ick desen sanck besluyten Crachtighe Godt, groot van virtuyten Staet by // gheeft my // dit al te samen, Lief Heere, Amen.
Cookies on Poetry Cove