op de wyse van den 37. Psalm: Vertoont u niet, ghy vroomer Christ. Singht met aendacht // want ick't onghelacht. Eerst heb ghesonghen, Dat ick bemin // heeft dit mynen zin Dus deurghedronghen.
LEeft vreedsaem, sprack Christus de Heer Ioan.20,27.Tot synen uytvercoren, Beminde, neemt dit voor een leer, Wilt sijn stem geerne hooren, Ioan.10,4.Dits u gheseyt // voor een afscheyt, Act.20.Van my, wilt het bewaren: Al scheyd' ick nu // 'thert blijft by u, Collos.2,5.Tot wy met vreuchd' vergaren.
Een herten-wee my over quam,Act.20,27. (Int scheyden) boven maten, Doe ick van u mijn afscheyt nam V aengaens moest verlaten: Mijn hert was bangh // gheduyrich langh, Ten is noch niet versleten:Col.2,5. Al scheyd' ick nu // 'thert blijft by u, Hoe soud' ick u vergeten. NAER T'wesen Christi u doch hout,Hebr.3,14. Alsoo ghy hebt ontfanghen, Op 'tfondament te recht ghebout,Ephes.2,19. Blijft doch in Christi ganghen:1.Petr.2,21 Dits mynen raet // nu het hier gaet,Act.20.* Aen een scheyden seer truyrich,Colos.2,5. Al scheyd' ick nu // 'thert blijft by u, Tot aen mijn eynd' gheduyrich. Kenlijck is het, en openbaer, Hoe vreed'saem wy te samen, Hebben gheleeft voor ende naer Met Christelijcken betamen, Als kinder Gods // lieflijck goets moets, Dus deed' my wee het scheyden:Act.20.* Al scheyd' ick nu // 'thert blijft by u,Colloss.2,5. Om Gods Lof te verbreyden. Liefste vrienden, menighen traen Is my om u ontvallen, Dit heeft de liefd' t'uwaerts ghedaen,Act.20,19. Ghy blijft oock met u allen,Rom.1,9. Dach ende nacht // in mijn ghedacht,Phil.1,4. De Heer wil u behoeden, Al scheyd' ick nu // 'thert blijft by u,Colloss.2,5. Wilt doch tot deuchden spoeden.2.Petr.1,5. En ghy Vaders wilt dapper zijn1.Petr.5,2. Gods ghemeynte versorghen,Act.20,28. Die u nu is bevolen fijn, Op dat ghy onverborghen,1.Petr.5,4. Der eeren Croon // tot eenen loon,
Op u hoofden meucht draghen: Colos.2,5.Al scheyd' ick nu // 'thert blijft by u, 'Tis om Gods welbehaghen. 1.Petr.5,5.Cloecklijck weest onderdanich voort Ghy Ionghen al met namen, Ephes.4,3.In d'eendrachtich Christlijck accoort, Elck wil na 'tbeste ramen, Psal.1,2.Ghy jonghe jeucht // hebt doch u vreucht, Coloss.2,5.Steets in de Wet des Heeren, Al scheyd' ick nu // 'thert blijft by u, Leeft doch na Gods begheeren. Tit.1,13.Kent doch hier aen mijns herten gront, Met tranen ist ghesonghen, Blijft in de Heere doch ghesont, Ghy ouden en ghy Ionghen, Phil.2,3.Wacht u van twist // voor 'tSatans list, 2.Cor.11,5.Wil u de Heer bevryden, Colos.2,5.Al scheyd' ick nu // 'thert blijft by u, Tot een eeuwich verblyden. Ghelooft zy Godt om dees sijn daet, Die hy bewijst soo crachtich, Act.16,16.Als ghy tot den ghebede gaet, Rom.1,9.Soo weest myner ghedachtich, Int ghebedt reyn // dat Godt alleyn, My wil wesen beradich, Coloss.2,5.Al scheyd' ick nu // 'thert blijft by u, 1.Cor.16,23.Godt zy met u ghenadich.
Cookies on Poetry Cove