Op de wyse: Hansken is soo frayen Ghesel. ALsoo wy nu begheven zijn,4.Esdr.2,7. Den smallen padt te treden,Matt.7,24 Soo leert my Heer het leven mijn,Luce,13,22. Daer nae schicken met reden. En soo ons voorginck u lief kindt, Ten Hemel met verstranghen,Phil.2,5. Soo gheeft ons oock te zijn ghesint, En richt soo al ons ganghen.Ps.119,133. Christus was claer in suyverheytMatt.5,8. Dit moeten wy oock leeren,Psal.79.9. Lief Heer maeckt my oock soo bereytSap.7,26. Tot lof van uwer eeren.Hebr.1,3. Hy was den spiegel onbevlecktLev.11,44,10,2. Een claer schijnsel verheven, Wilt my oock maken soo perfeckt, In een reyn heylich leven. DIE wet en wijsheyt gheeft doch my In mijn hert nae 'tverclaren,Deut.8,1,11,18,30,16. V gheboden met moede bly,Prov.3,1. Ghetroulijck te bewaren.Prov.3,13. Heer laet my u wijsheyt playsant Hier vinden in mijn daghen, Laet my vercryghen goet verstant. Naer u Godtlijck behaghen.Prov.8,11. Voorwaer boven het gout sy gaet,
Sap.8,9.En 'tsilver uytghenomen, Psal.19,12.Is edeler in haren staet Als peerlen, by die vromen. Yae al 'tgeen datmen wenschen mach, En machmen niet ghelijcken By desen schat, diet wel aensach, Iae alle Coninckrijcken. Prov.3,16.Sy heeft ter rechter handt devoot, Een eeuwich leven duyrlijck, Ter rechter handt is rijckdom groot, En eere seer faveurlijck. Voorwaer haer wegen allegaer Zijn lieffelijcke wegen, Al hare paden openbaer, Zijn in vrede gheheghen. Recht leert my doch (Heer) treden soo, Die vredelijcke paden, Die ghy my voorginckt even vro, Met vreedlievende daden. Ephes.2,13.O lieve Heer hoe ginckt ghy voor, Esaie,9,5.Ons rechten vreed' te maken, Mocht ick die paden na t behoor V volghen, recht gheraken. Voor al int hert te vreden zijn, Mat.19,14Een kindt des vredes wesen, En soo voortaen int leven mijn, My oeffenen in desen. VAN twisten en verstoorden strijdt My wachten ende hoeden, Heere hier in mijn hulper zijt, En wilt u daer in spoeden. Sap.7,26.Ten sal niet onreyns met ingaen, Matth.5,8Een reyn hart sal aenschouwen V in den Hemel wel ghedaen, Daer met vasten betrouwen. Propijs ginck Christus metter daet,
Den wegh der liefden tredenIoan.13,25 Tot u, o Vader, my beraet,Ps.119,60. Ons met lieflijcke zeden.Ioan.6,51, 58,62. Hy quam tot ons in desen dalIoan.14,6. Door desen wegh gheganghen,Hebr.9,8. Wie boven by u comen sal,Ioan.13,34 15,12. Moet soo gaen met verlanghen,Esaie,51,7. In soo een liefde (lieve Heer)Hebr.8,10, 10,16. Brenght en laet my oock blyven, En wiltse voortaen altijdt meer, Diep in mijn herte schryven. Lieflijck Christus te vooren ginck, Tot u maer deur het lyden, Doen hy naeckt aen het cruyce hinckmatt.27,34. Ons arme te bevryden.3.Esdr.7,7. Iae wy moeten deur d'enghe poort,Mat.7,24. Sullen wy by u raken,Luce,13,22. O lieve Heer soo dat behoort, Gheeft my dit recht te smaken. Plat boocht my Heer onder u cruys,1.Petr.4,14 Dat ick mach helpen draghen,Hebr.13,13. En gaen soo recht nae 'tHemels huys,Psalm 25,4 2,22,86,11,142,8. Nae u Godtlijck behaghen. Prent dit in my dat ick den padt,Apoc.3,12, 21,2 21,10. Met Christo mach passeren, En met hem comen in die stadt,Hebr.12,22. Daer men sal triumpheren.Ephes.2,7. Van u lief Heer dit comen moet,Psal.143,10 Wt ghenaden waerachtich,Esa.42,6. Stiert my doch deur uwen Gheest soet,Hebr.11,10, 11,16. Op dese baen aendachtich. Staet my soo by met uwer handt Dat ick my mach bereyden, En wilt my soo nae 'tHemels Landt, Door Iesum Christum leyden.
Cookies on Poetry Cove