Op de wyse van den 68. Psalm: Staet op Heer, etc. ZEer ootmoedich int hert bereyt Comen wy voor u Majesteyt, O Godt, u aen te beden, Met barmhertigen oogen siet Psal.88,3.Ons aen, en u ooren doch biet Nu tot onsen clachreden, Doet open uwe milde handt, Tren.3,41.Gehoorsaem herten met verstandt Gheheel reyn wilt ons geven, Die wy mogen opheffen nu, O Heere Godt Vader, tot u, In den Hemel verheven. Alwaer wy hebben ongheswaeckt Rom.8,44.Den Heylant die ons salich maeckt Ter rechter 2.Cor.5,19.handt geseten, Christum uwen beminden Soon Die ons gerecht te maken schoon, Opvoer, alsoo wy weten, Al waer wy hem met den lichaem Noch niet en mogen volgen t'saem, Ioan.16,23.Maer heeft belooft te vooren Soo wy in synen Naem ons clacht Doen, en u bidden met aendacht Dat ghy ons sult verhooren. Nu wy ons blootheyt even seer Verstaen en kennen, lieve Heer,
Soo geeft ons int benouwen 'Tgene hy onsIoan.14,13. heeft toegeseyt, Vervult deur u barmherticheyt, In ons een vast betrouwen,Matt.9,2. Dat wy deurgronden, nemen acht, Hoe lief ghy 'tMenschelijck gheslacht Hebt, om gheven genadich, Genegen en seer willich zijt, Oock machtich in alles altijt, Volbrenght het gantsch goetdadich.Prov.30,8. O Godt, maeckt doch ons herten reyn Van alle ydelheydt ghemeyn, En van des vyandts laghen, Om niet anders te bidden hoort, Noch te begeeren rechte voort, Dan dat u doet behagen, Tot uwen prijs, enMatt.6,10. salicheyt Onse zielen, ons doch so leyt Int hert' te zijn ootmoedich, Op dat ons gebedtmatt.11,29. tot u com Door die wolcken int heylichdom,Eccle.35,26 Voor u lief Heere goedich. Een verghevende hert ons gheeftLuce,6,36. Tegens hem die ghezondicht heeft Aen ons,Matth.18. met medelyden, Sonder weder wrake te doenRom.12,19. Breeckt, slaet, vermorselt in ons coen Ons herten t'allen tyden, Om uytghestorteTob.7,13. tranen claer Nu te weenen (O lieve Vader)Iudi.7,23. Die u mogen bewegen: Daer toe ons begeerte vermeert, En ons ghenegentheyt nu keert Met een ghemoet versleghen. Heer een aendachtich wesen goet, Met kinderlijcker liefden soet, Om u als onsen VaderPsal.52,19. Aen te roepen in Christi naem,jIoan.14,13. Cracht en moghentheyt bequaem Seer groot, gheeft ons te gader, In welcx liefde ghy zijtIoan.3,35. verheucht Dat ghy ons niet ontseggen meucht Als wy nu Vader beden In synen Naem, hy neemt wech vroet Wat u aen ons mishaghen doet, Hy voorspreeckt ons met reden.1.Ioan.2,1. Nu in syen Naem bidden wy
Matt.6,9.Om quijtscheldinghe, maeckt ons vry, Luce.11,2.Vergeeft ons onse zonden, Lieve Vader vergeeft ons doch, In Christi naem bidden wy noch Matt.17,5.V lieve Soon bevonden, Actor.17,26Nu ghy ons Schepper zijt beleeft Die ons 'tleven en adem geeft, Wilt onse leven stieren Tob.4.Tot der salicheyt triumphant, Hest.13.Want het staet al in uwe handt, Richt dat recht goedertieren. Zach.10.Maer, o Godt, alst aerdtsche ghebauw Dorr' blijft sonder reghen en dauw Altijdt vroech ende spade, Also blyven wy onvruchtbaer, En moesten verdorren te gaer Sonder uwe genade, Met Hemelschen dauw Ioan.15,6.ons begiet, Op dat wy groeyen datment siet, Cant.5,2Dits onse bede clachtich Ephes.4,16.In Christi naem ghebenedijdt, Verhoort doch Heer, en ons verblijdt, Door u moghentheyt crachtich. Iac.1.Met uwer wijsheyt ons verlicht, Dat wy vercryghen recht ghesicht Dat die ons mocht voortreden, Die een bystandtster Sap.9.is bekent, Dees ons uyt des Hemels throon sent Op Aerden hier beneden, Dat sy hier met ons zy, en sterck, En help volvoeren al ons werck, Sonder dees gaef met namen Wy u niet aenghenaem en zijn, In Christi Iesu name fijn Ioan.14,13.Bidden wy dit te samen. Nu wy met anghste zijn beswaert, Ier.4,31.Bidden wy uyt kindtlijcker aert, Toont ons Psal.80,4. ende 20.u aenghesichte, O Heer, so worden wy ghesont, Op dat wy't moghen alle stondt Ephes.1,18.Aenschouwen als verlichte, Ons salicheyt daer in berust, Dit goet gemeten nu met lust Al heylighe en vromen,
Laet ons dit oock ghenieten Godt, In Christi name voor het slot Wilt ons te hulpe comen. Volherdende verwint men. Eynde des eersten deels.
Cookies on Poetry Cove