Op de wyse van den 18. Psalm: Ick wil u loven en dienen eendrachtich. Matt.25,2.VVEL die haer nu seer neerstelijc bereyden Vercieren den Bruydegom te verbeyden Dat onse zielen hem worden betrout, Alst lichaem dat aen malcanderen hout, Ephes.5,30.Vleesch van synen vleesche ende ghebeente, Soo men van Christo leest, en sijn Ghemeente: Hoort doch nu toe, wat hy sonder verschil Van syner Bruyt vordert en hebben wil. 1. MET den gemoede moet sy suyver wesen, 1.Thess.4,3.Fijn wel ghedaen in rechter Godes vresen, Schoonheyt des lichaems soect de Heere niet Matt.5,8.Maer dat inwendich int herte gheschiet: Esai.1,16.Wascht en reynicht u, segghen sijn voor boden Die ons tot onser Bruyloft comen nooden, Die haer nu soo reynighen sonder rust, Daer toe heeft de Bruydegom dan sijn lust. 2. Met deser daet en mach men noch niet vyeren, Want Christus eyscht oock zedighe manieren Aen sijn Bruyt, datse die vertoonen sal Met woorden en met wercken over al: Mate is goet ghehouden in die reden, 1.Cor.15.33.Want quaet gheclap dat verderft goede zeden Matt.18,7.Ergernisse en moet men int ghemeyn Oock niemant gheven deur wercken onreyn. 3. En hy soect oock rijcdom sonder vermoeden 2.Cor.4,7.Aen sijn Bruyt, en overvloedige goeden, 2.Petr.1,5.Welcke by haer in die deuchde bestaen, Hier van doet Petrus ons een schoon vermaen:
Dit zijn die dinghen die hy doet begheeren, Daer mede synen Vader te vereeren: Wie dese niet en heeft, is arm en blindt, Tast na den wegh, weet niet waer hy hem vint. 4. Recht wel ghesont, creupel noch lam van leden, Soeckt hy een Bruyt t'aenveerden met voorreden, Dat sy veerdich zy in haer wercken ras,Eccle.31,27 Wat sy hier doet nae Gods wille te pas, Dat men vyerich hier zy voor alle dinghen Om den wille des Heeren te volbringhen, Vervloeckt is de knecht onwijs, die onvroetIer.48,10. Zijns Heeren werck hier traghelijck nu doet. 5. Trouwe soeckt hy, en datse daer beneven Haer trouwe niemant anders en sal gheven, En dat men in alle wercken sijn eer Alleen sal soecken, en anders geen meer, Daerom ist dat wy eten ofte drincken1.Cor.10,31. 'Tmoet zijn om hem de eer alleen te schincken, Hy en wil niet, die't al gheschapen heeft, Dat men sijn eere yemant anders gheeft. [6]. En hy wil ooc dat sy int hert ootmoedichmatt.16,24. Ghehoorsaem onderdanich zy, en goedich Dat synen wille, en den haren niet Daeghlijcx gheschiede in vreucht oft verdriet, Wie hem wil volgen moet hem selfs versaken Niemant en can hier in een onschult maken, Daerom gaet niet in u begeerte voort,Eccl.18,27. Maer voeght u altijdt na des Heeren woordt. [7]. Noch soeckt hy boven allen dit te vooren, Reyn liefde in haer herte vercooren,Col.3,14. Ten zy dat dese zy int hert ghestelt, D'ander te samen voor hem niet en gelt,1.Cor.13,1. Hy en nemet niet aen, tzijn ydel daden, Maer waer liefd' is int herte wel beraden', Soo maecktse wel alle dinghen bereyt,
Want sy is den bandt der volcomenheyt. So wy dan nu weten deur dit aenschouwen Wat Bruyten dat Christus nu hier wil trouwen, En hoe ghestelt moet zijn dees teere maeght, Dus toeghemaeckt eer datse hem behaeght, So mach nu elck een hem hier met beproeven, Maken bereyt, 'tghen' dat hy sal behoeven, Dewijl dat hy noch heeft een cleyne tijdt, Naemaels en crijcht hy daer toe geen respijt.
Cookies on Poetry Cove