Op de wyse: In Godt staet alle mijn toeverlaet: ofte, van Munster, etc. Mat.10,26VOOR tyranny en vreest doch niet, Die u van menschen hier gheschiet, matt.16,24.O ghy Gods uytvercooren, Ioan.19,18Draecht doch het cruys sonder verdriet, Als Christus deed te vooren. ALLE die nu Godsalich saen, In Christo leven wel ghedaen, Die moeten in dees tyden matt.16,24.'Tcruyce draghen naer sijn vermaen, 2.Tim.3,17.En vervolginghe lyden. BENAVDE herten weest ghetroost, Psal.37,40.Gods hulp comt die u verloost, Al moet ghy 'tlyden smaken, Matt.5,10.Metter salicheyt alle toost, Wilt u herte vermaken. DIE droefheyt en is niet ghelijck Rom.8,18.Der vreuchden in het Hemelrijck, Door druck en leydt mispresen, Acto.14,22.Gaet men daer in, niemant en wijck, Die daer verblijt wil wesen. 1.Pet.4,12.IN dit vuyr wordt de mensch beproeft, Oft hy al te recht heeft ghelooft, En sijn gheloof zy crachtigh, 1.Petr.1.6.Costlijcker als het gout behoeft Niet gheveynst maer waerachtich. Ioan.16,20DEES droefheyt haestelijck vergaet, Sy verkeert int vrolijck ghelaet, Niemant en mach beroven, Die vreuchde die eeuwich bestaet, Int Hemelrijck daer boven. TIItlijcke dinghen weynich acht, Maer d'eeuwighe neerstich betracht,
Het zy vreucht druck of truyren,2.Cor.4,16. 'Twordt hier al ten eynde ghebracht, 'Tsal namaels eeuwich duyren. DENckt hoe u Christus voore ginck,Ioan.19,18. Doen hy naeckt aen het cruyce hinck,matt.27,26. D'welck hy eerst had ghedraghen, Wat hy versmaetheyden ontfinck, Ons Godt doen te behaghen. BEROVINGE vant tijdtlijck goet, Laet niet bedroeven u ghemoet, Die Stadt vol goeden schoone,4.Esdr.7,6. Sult ghy innemen metter spoet,Apoc.21,2. Boven in 'sHemels Throone. EN ghy sult zijn ghebenedijdt, Van den Heere in desen tijdt,Ephes.1,3. Met geestelijcke gaven En goedertieren int hert verblijt, Sal u de Heere laven. VERDVLDINGE leet Christus meeMatt.2,13. En hebt ghy nu geen seker stee, Om woonen en t'arbeyden,1.Cor.4,11. Denckt Paulus oock soo niet en dee, God can nootdruft bereyden. LIIDt u een corte tijdt te gaer, Verwacht, Godt comt hy neemt u waer, Soud' hy u in dit leven, Vergeten in eenich ghevaer,Ioan.2,16. Die u sijn kindt ginck gheven.Rom.8,31. En daerom weest doch onversaecht, D'aertsche om het Hemelsche waecht, Wat salt den mensche baten,Matt.16,2. Die int herte de weerelt draecht, En wordt van Godt verlaten. Nu hier mede groet ick u seer, En beveel u Godt onsen Heer, En 'twoordtActor.20,32 sijnder genaden Mijn mede leden Christi teer Nu met lyden beladen.
Cookies on Poetry Cove