Op de wyse: Ick peyns om een persoone. ICk bid u lieve Heere, V gunst bewijst doch my, Nu in mijn jeucht noch teere, Dat ick met moede bly, Eccle.2,20.Mijn hert soo mach bereyden vry, Mijn, etc. Door u ghenae // vroech ende spae, Staet my doch Heere by. Alle mijn cleyn vermooghen, Is u seer wel bekent, Met ghenadigen oogen, V stadich tot my went, Verlicht my door u claerheyt jent, Verlicht, etc. Recht mijn ghemoet // nae d'eeuwich goet, Iae na des Hemels tent. Neemt acht op al mijn saken, Psal.6,3.Mijn cranckheyt doch gheneest Wilt my recht ghesont maken, Door u licht onbevreest, Leyt my Heer door 'sweerelts foreest // Leyt my, etc. Door uwe cracht, seer hoogh gheacht Den goeden heyl'ghen Gheest. Niet en laet my doch glyden, Maer my doch onderwijst, Door u ghenae altyden, My doch soo verjolijst, 'Tis 'tgheen dat mijn ziele prijst // 'Tis, etc. Ioan.16.In hongers noot // door 'themels broot, Laetse worden ghespijst. Tit.2,12.Een sober gherecht leven, Hier te voeren altijdt, Wilt my lief Heere gheven, My soo ghebenedijdt, Door Christum my bystandich zijt // door, etc. In my doch blust // des Werelts lust, Voert ghy voor my den strijdt. GEeft my voor alle dinghen, Ephes.3,16.Sterckheyt ende confoort, Vwen wil te volbringen, Soo my dat toebehoort
Helpt ons crachtich int wercken voort Helpt ons crachtich, etc. Op desen padt // naer s'Hemels stadt,Matt.7,13. Al door de enghe poort. Noch moet ick u Heer beden, Al uyt mijns herten gront, Siet op my hier beneden, Neemt my in u verbont,Iere.31,33. Verbonden vast tot aller stont, Verbonden, etc. Soo sal ick dan // soo veel ick can V goetdaet maken condt. TOt aen een salich eynden Recht, helpt en my doch leyt, Waer ick my keer oft weynde, Met uwen troost bereyt, Draeght sorgh voor my, niet en verbeyt, draeght, etc.1.Petr.5,7. Wat my ontbreeckt // vervult perfeckt, Door u barmherticheyt. Niemant werdt oyt bevonden, Beschaemt, verlaten siet, Die hier t'eenigen stonden,Syr.2,11. Hem vast op u verliet, V ghenade over ons giet, V ghenade, etc. 'Tis my ghenoech // spa ende vroech, Als ghy u handt my biet. Instort my u genade, Overvloeyende seer Dat ick na uwen rade, In u heylsame leer, My nu mach schicken altijt meer, My, etc. V soo tot danck // mijn leven lanck, Dats mijns herten begheer. Sluytlijck lief Heer int leste, Nu het ten eynde gaet, Keert al mijn saeck int beste, En my voortaen beraet: Gheeft my den wil, volbrengt die daet, Geeft my, etc. Ghenadich weest // my aldermeestPhil.2,13. Tot myner zielen baet.
Cookies on Poetry Cove