Op de wyse van den 80. Psalm: Ghy Herder Israels wilt hooren, etc. LIef kindt, wilt u herte bereyden, Om Gods ghenade te verbeyden, Ioel.2,12.Het moet gantsch zijn tot Godt ghekeert, Gheheelijck soo die Schrift ons leert, Iae altemael in hem betrout, Als een dicht vat d'welck nat behout. Inwendich dicht en onghebroken, Te behouden Gods Woordt voorsproken, Eccl.21,17.Want het herte des sotten sadt, Is ghelijck een ghebroken vat, Eenen herte deurboort in noot, En naeckt niet dan die bitter doodt. Suyver en schoon moet 'therte wesen, Cant.8,6.Door Gods inprentinge ghepresen Gheverft, verciert en wel bereyt, Dat daer in schijn gerechticheyt Naer 'tHemelsche seer wel gedaen Moet den mondt boven opwaerts staen. Boogent niet na dees aerdsche dinghen Ioan.4,11.Leemachtich water in te bringhen, Maer dat sprenght uyt den Hemel soet, En die ziele verquicken doet: Dit vaet, en wilt bewaren wel, Dat het niet com te storten snel. En als 'thert sal zijn gheboghen, Sap.1,1.Moet men daer noch al meer by voghen: 4.Reg.20,3.Die simpelheyt moet oock daer zijn, Als twasch bequaem om drucken fijn, Gheordineert, hoort dit vermaen,
Gods beeldt daer in te drucken saen. Ten mach hem anders niet vertoonen, Dan Godt de Vader moet nu woonen, In u ghedachten triumphant, De Soon moet woonen int verstant,Eph.3,17. De heylighe Gheest in uwen wil Eenvoudich in u herte stil. PAVLVS schrijft schoon van desen zinnen Wijst ons nae Christum te beginnen, Hem te volghen simpel en slecht, Met eenvoudighen herten recht: Wie hier na staet dach ende nacht, Sal als een wijs man zijn gheacht.Mat.7,24. Die vernederinghe ootmoedich Is oock een bereydinghe goedich, Want Godt niet verachten en sal,Psal.51,19. Een hert gheheel ghebroken al: Daerom elck een hem neder druck Wil hy dat sijn sake gheluck. OCH dat elck een nu conde mercken Op vruchtbaerheyt der goeder wercken, Die uyt den herte comen hoort, Een goet mensch brenght goe vruchten voortmat.12,35. Nu uyt sijns herten goeden schat, Maer een quaet Mensch verarghert dat. Toont Christus dit niet uytghenomen?matt.15,18. Segghende: uyt den herte comen, Quade ghedachten en doodtslaen, Overspel, hoerdery voortaen, Valsch ghetuygh, en oock dievery, Versmaed'lijck lasteren daer by. Ey mijn lief kindt, wilt daer op mercken,Matth.5,8. Houdt u hert reyn van quade wercken Schuyrt ende vaecht dat nacht en dach, Dat het een reyn vat wesen mach, Daer in t'ontfanghen Gods ghenae,
Heylich te leven vroech en spae. Recht hertelijck aldus gheneghen Psal.67,8.Wensch ick u hier toe Godes zeghen, O Heere Godt ghebenedijdt, Die goedich en barmhertich zijt, Maeckt ons herten alsoo bequaem, Tot heerlijckheyt van uwen naem.
Cookies on Poetry Cove