Op de wyse: van den 88. Psalm, Heer die my dus langh hebt behoet. CORtlijck besonnen wel ghemoet, Wil ick u in mynen Godt verhoghen,Esai.61,10. Ghy zijt een Coninck int vermoghen,Luc 1,42,43 Mijn ziel moet uwen Name goet,1.Tim.6,15 Dancken, prysen en u daer bovenApoc.17,14, 19,16. Alle daghen jae eeuwigh loven. NEemt ghy (die groot zijt) dit doch aen,Psal.106,2. Ghy zijt hooghloflijck onghemeten, V grootheyt en is niet te weten, Wt te dencken noch te verstaen, V wercken al te groot om gronden, Gaet men tot alder tijt verconden. LIeflijck zijn uwe daden groot, V vrientlijckheyt en recht in desen, V ghenadich barmhertich wesen,Ps.103,145 8,86.15. Lanckmoedicheyt en goetheyt bloot, V moet men loven met verblyden,Psal.103,3. Over u wercken t'allen tyden.Mat.6,13. Soo dat de name wordt gheeert, Vws Coninckrijcks in groote machte, En uws ghewelts deur 'tgantsch gheslachte,Psal.103,19 Maer u barmherticheyt vermeert, Is over alle uwe wercken, Ghy zijt goedich, en laet dat mercken. IErstlijck wilt my mijn Godt en Heer,
Psalm.16,1.Door Christum doch nu zijn beradich, Psalm.4,1.En verhoort mijn ghebedt ghenadich, Psalm.5,2.Nu ick u bidde met begheer, Lev.11,44. 19,2,20,7.Die heylich zijt en sonder ende. 1.Petr.5,10.Regeert mijn herte ick ben swack, O lieve Heer wilt my verstercken, Datmen u cracht in my mach mercken, Om u werck te doen met ghemack, Esaie,58,7Ezech.18,7.Ick ben hongherich wilt my spysen, En my u gonste soo bewysen. Onder u macht ontfanghen zijt, Psal.13,25, 145,15.Als van den Herder, al die leven T'spysen, dit wordt haer nu ghegheven, Ps.145,16.Van uwer handt ter rechter tijdt, Ps.145,18.Want watter leeft, Heer, onder allen, Dat vervult ghy met welghevallen. Nu roep ick Heer uyt 'shertsen gront, Psal.16,12.Weest nae by my aen alle zyden, Ps.119.92,27,14.Toont my u jonste om verblyden Weest ghy mijn vreuchde t'aller stont, Psalm.31,6En mynen troost oock daer en boven, Luce,23,46.Soo u woordt my dat gaet beloven. Ps.91,3,116 3,140,6,141 9,119,120.In uwe handt beveel ick my, Voor 'svyants list wilt my behoeden Dat hy doch deur sijn schaedlijck woeden, My en vervoere t'ghenen ty, En in sijn stricken opghehanghen, Collos,3,2.Ick ymmers niet en word' ghevanghen. Maer dat ick mach hemels ghesint Worden, blyven al mijn daghen, En my naer u goet wel behaghen, Bewysen als u lieve kindt, Psal.3,8,9.Om dat ghy Heere zijt soo goedich, En my te helpen even spoedich. Vonde ick dit by my te recht,
Door 'tgheloove int hert besloten,Psal.119,76 Met u ghenade overgoten,Ephes.1,13. En versegelt by uwen knecht,Rom.8,16. Door uwes heylghen Gheestes crachten,1.Cor.1,22,6,5 Hoe soud ick rechten mijn ghedachten.Matth.10. Soo dat mynen mondt nae 'tbetaem, Vwen (lof Heer) soud uytverconden Volherdende tot alle stonden,Apoc.2,26. Ghebenedyen uwen Naem, Daerom bidden wy nu te samen, Laet dit deur Christum worden, Amen.
Cookies on Poetry Cove