Op de wijse: In een groot ongheluck ben ick gheboren, etc. Veerthien Hemelsche graden Om salich te worden, uyt ghenaden.
FOrmeren sal ick u en raden, Vrienden wilt mijn singen verstaen, Ick sal wysen trappen en graden, Die opwaerts tot den Hemel gaen. 1. En wilt de zond' niet consenteren,Eccle.21,1. Hebt ghy ghesondicht, gaet niet voort, En laet het quaet niet domineren, Staet af, soo leert des Heeren Woort. 2. Ieuchd'lijck wilt die oorsaken wijcken Waer deur men hier comt tot den val,Gene.34,1. Gaet niet met Iacobs dochter kijcken, Naer 'tHeydens wesen over al. 3. Int castyden wilt u begheven, Als men u straft verwerpt dat niet, 'Tis ghesontheyt van't nieuwe leven,Eccle.20,1. Dat nu tot beteringh gheschiet. 4. 'Tquaet exempel wilt geensins toonen, Dat ghy yemandt argeren sout,Mat.18,6 Het soud' u naemaels qualijck loonen, Het wee comt daer over benout. 5. Gheern wilt barmherticheyt bewysen,Tob.4,5. Nu elck eenen na dat ghy meucht,
Mat.25,37.'Tis het werck dat de Heer sal prysen, Daerom hebt daer in u gheneucht. Gal.5,26.6. En wilt gheen ijdel eere soecken, Hest.14,2.Met Hester weest ootmoedich doch, Bewijst u hier in als de cloecken, En wacht u voor dat valsch bedroch. 7. Neemt Godt altijt voor uwe ooghen, Tob.4,4.Dit vastlijck in u herte vaet: Hoe soudt ghy dan sondighen moghen? Als de Richter steedts voor u staet. 8. Peynst altijt dat ghy d'aldersnootste, Voor al andere menschen zijt, 1.Cor.15,8.Paulus was wel van d'aldergrootste, Maer hielt hem seer veracht altijt. 9. In wraeck (wat u hier comt te vooren) Rom.12,17.En loont niemant hier quaet met quaet, Want de wraeck moet Godt toebehooren, Hy salt vergelden op sijn maet. 10. En wilt lief hebben en beminnen Mat.5,44Die u haten, 'tis Christi leer, Ghy wort Gods vrient, wilt dit versinnen, Sult binnen gaen tot syner eer. 11. Toont nu int lyden overvloedich, Iac.1,2.Dat ghy dat minnelijck ontfanght, Acht dat voor blyschap, weest lanckmoedich Tot dat ghy troost van Godt erlanght. Luc.18,1.12. En weest neerstich in u ghebeden, Versuymtse niet, maer roept Godt aen, Int ghemoet wilt so tot hem treden, Daer in volherden en bestaen. Psal.38,10.13. Recht wilt Godt loven int begeeren, Met aendacht in u hert ontfinckt, Al moest ghy t'uytspreken ontbeeren, Met suchten doch aen hem ghedinckt. Ioan.17,8.14. Schoon en heerlijck is Gods gelory, Wilt die betrachten int ghemoet,
Gaet ghy dus op, ghy crijcht victory, In den Hemel het eeuwich goet.
Cookies on Poetry Cove