Het groote liede-boeck

op de wyse: Mijn sinnekens zijn my ontogen. DAt ick t'huys mach bereyden2.Cor.6,16. Heer, daer ghy wilt woonen eenpaer,Ioan.14,23 Door u barmherticheyden,Psal.31,17. 80,8,119,135 Ontsteeckt het licht doch in my claerEphes.1,18. Dat ick mach kennen leeren,ps.79,9,138 5,115,1. Wat u mishaghen doet, Wat u, etc. Op dat ick t'uwer eeren Mach uyt vaghen snel metter spoet.

Iae dat ick reyn ghedachten Collos.3,2.Mach hebben, die u open staen, En al 'taertsche verachten, Latent als ydel voor by gaen Vwe moghentheyt crachtich Ioan.3,16. 12,13,1,18, 15,9, 16,27.Bedencken even seer, Bedencken even, etc. En u liefde waerachtich, Hier en vergete nimmermeer. Vrywillich wilt my maken, Dat Iesus Christus mijn heylandt, Ephes.8,17.Woone voor alle saken Nu in mijn innerlijck verstant Op dat ick mach deurgronden, Die goederen beleeft, Die goederen, etc. 1.Pet.2,24.Die hy deur syne wonden Ons met ghedeelt verworven heeft. Een heylighe rust-stede Laet Heer zijn in den wille mijn, Ephes.3,16.Vws heylgen Gheestes mede, Dat hy met sijnder cracht devijn, My t'samen mach regeren, Luce,10,21.Na u behagen goet, Nae u, etc. Mat.11,26En hy mach domineren In my, als in u kint seer soet. Ephes.5,9.Ruste soo int hert binnen, Wandele daer in nacht en dach, Dit bid ic u 1.Cor.3,16, 6,19.uyt minnen, Lief Heer, dat ick soo worden mach, Een recht Tempel des Heeren, 2.Cor.6,16.Daer in ghy woonen sult, Daer in ghy, etc. 2.Cor.6,16.En derwaerts ghy wilt keeren, My met deser gaven vervult. Matt.6,19.Soo leert my dan tot desen, Luce,12,33.Dat ick u spyse maeck bereyt, Die ghy begeert 1.Tim.6,19gepresen, Dat sy u worde voor geleyt, Esai.58,7.'Tis dat ick mach den armen Mat.25,35Hier spysen met het broot, Hier spysen, etc. Zijnde hartlijck ontfarmen, In synen swaren grooten noot. Cant.5,2.Ia dat ick mach doen open,

Nu ghy clopt, aen die deure staet, En comtApoc.3,20. tot my geloopen, En wilt Heer datmen u in laet, En wilt daer vrolijck houwen, Het avontmael met my, Het avont, etc.Apoc.3,20. Want ghy belooft met trouwen, D'uwe oock mee te deelen vry. Cond' ick voor u op draghen,Psalm.79,9 Mijn schult bekennen t'afstaen meeMat.6,12. En tot uwen behagen, My verbeteren metten treeApoc.3,19. Soudt ghy met herten blyde, D'uwe leggen daer by, D'uwe leggen, etc. Vollich aen elcke zyde, 'Tstaet te bedencken wat het zy. Kenlijck soudt zijn gherade,Luce,7,48. Vergevinge der zonden al, Ingestorte ghenade, Het derde heerlijck wesen sal, Die blyschappe en vreuchde,Matth.25,21,25,23. Die ghy ons gheven wilt, Die ghy, etc. Met deser grooter deuchde, Lief Heer vervult mijn herte mildt. En dat ick sonder beyden, Mach brengen het derde gericht Het lof offerPsal.92,2. bereyden, Want dese spyse soeckt ghy dicht,Hebr.13,15. Mocht dit voor u gheresen, Syn uyt mijns herten gront, Sijn uyt, etc. Dit soud' die spyse wesen Wel smakende nae uwen mondt.Ioan.4,34. Soo gheeft my dit te samen, O Heer deur uwe goedicheyt, Als my dat sal betamen In aller overvloedicheyt, Om u lof te vermeeren, O mijn Hemelsche Vaer, O mijn, etc. 2.Cor.1,3. Laet dit nae mijn begeeren,Ephes.1,3. Door Iesum Christum worden waer.1.Petr.1,3.