Op de wyse van den eersten Psalm: Die niet en gaet, in der, etc. Verhinderinghe des groeyens // van den nieuwen Mensche vry, En teyckenen des bloeyens // sult ghy vinden oock hier by.
GAntsch noodelijck ons te bedencken staet Wat ons belet, dat wy niet nae de maet Van Christo Iesu en worden volcomen Die hindernis waer noodich wech ghenomen Gods Woordt maeckt ons de selve wel bekent' 'Tverstant hier van, elck in sijn herte prent. Gen.49,3.ERDsche verdeeltheyt binnen int ghemoet Verloopt als 'twater in de aerde doet, Veel beter is een gherust en stil leven: Mat.6,24.Maer wil men Godt en de weerelt aencleven Soo en mach de nieu mensch opcomen niet, Blijft onperfeckt, om dat hy Godt verliet. Prov.18,8.RVst de Mensch hier nu in cleynmoedicheyt, Eccles.7,9.Vertsaeght zijnde, in Gods werck onbereyt Thindert hem seer, dees coelt' laet hem niet bloeyen, Daerom de nieu Mensch oock niet en can groeyen, Weest niet cleynmoedich, Eph.6,10.sterct u in den Heer, Phil.4,13.Door hem vermoghen wy't al t'syner eer. Iac.1,2.Ist dat wy dan oock wanckelmoedich zijn Heden aldus, morghen den teghenschijn, Luc.9,62.Slaet de handt aen den ploech, doet weer omkijcken, Treedt in Gods werck, doet weder daer van wijcken, Wort int goet doen moede en scheyde daer van De queelt en wort oock geen volcomen man. Toont men hem hier met woorden menichfout,
Onghesouten, het den wasdom op hout,Ps.140,12. Wie groeyen wil, moet 1.Pet.3,10 sijn tongh' wel bewaren, Wil hy aen den nieuwen mensche vergaren Wie 'tniet en doet, sal verleyden sijn hert,Iac.1,26. Vercrijghen dat hem naemaels deerlijc smert. VAN't onderscheyt te missen dat is quaet Dat men hem niet en hout nae Christi raet, Maer gaet in sijn eyghen werck glorieren,Iudit 9,16. 'Tzy goet oft quaat, men volght d'oude manieren, Sonder aensien oft Aerdtsch oft Hemels zy,Colos.3,3. Godtlijck oft menschlijck, 'tgheschiet even vry.Mat.19,23. DER ydelheyt hantieren oock betracht, Om dat men het vergrijpen weynich acht Sonder berou, soo wast men niet met allen,Eccle.19,1. Die 'tcleyn veracht, die sal allengskens vallen, Waer dese teyckens openbaren ront, Daer en is de nieu Mensche niet ghesont. Lust u nu te verstaen die teyckens vroet, Wanneer de nieu mensch wast int leven goet D'eerst is, als hy neerstich is in die dinghen, Die Godt aengaen, begeerich int volbringen Die nae gherechticheyt hongherich gaet,Matth.5,4. Die sal oock daer mede worden versaet. Ist dat een mensch int voortgaen wort perfeckt, Die is niet ledich, hem sijn hert ontsteckt, Als hy hier siet synen Naesten int lyden,Iob 31. Droef met den droevigen, bly met den blydenRom.12,16. Dit teycken oock een toenemende draeght, Hy schickt dat hy synen Naesten behaeght. Noch oock hier by bewijst hy deur den dach De liefde aen den Naesten als hy mach, Also wast hy aen Christo sijn hooft goedich,Eph 4,15. Liefd' is in hem, en hy bemintse spoedich,Phil.1,9.
En wat de Mensch bemint, dat wort hy voort, Hemel oft Aerd', 'tblijckt uyt des Heeren woordt. De lijtsaemheyt haer oock schoon openbaert Int wassen van den nieuwen mensch verclaert Verduldelijck in anghst, in noot midts desen 1.Cor.13,5.De liefd' verdraeght all' dinghen met Gods vresen, Waer liefd' is, daer is ghenen arbeyt siet Maer soeten smaeck int geen dat Godt gebiet. En wie nu Godt looft en danckt in sijn leyt, Iob,1,22.En can spreken, soo als Iob heeft gheseyt: Doe hem sijn droefheyt daeghlijcks ginck vermeeren: Ghebenedijt moet zijn den Naem des Heeren Vrienden dit zijn tekenen dat men wast, Laet ons toesien oft wyse hebben vast. Nu wy dan soo te recht hebben verstaen 'Tbeletsel en die teyckens van't voortgaen So laet ons doch toesien, ons neerstich wachten Vry onbelet nu voor te gaen met machten, Hier toe geeft Godt ons u ghenae bequaem, Ioan.14,13.Dat bidden wy t'samen in Christi naem.
Cookies on Poetry Cove