Op de wyse: Alleene Godt in der hooghsten zy eer. IN Godes Name hef ick aen, Een nieuwe Liedt te singen, O Heer, wilt doch nu by ons staen, Dat wy't mogen volbringhen: En het gheschied' tot uwen prijs, Ioan.14,26.Door uwen Gheest, Heer, maeckt ons wijs Soo salt ons wel ghelinghen. Psal.133,2.Als Oly vliet uyt Aarons baert, 1.Petr.1,23.Sullen de Broeders wesen, Vreedsamich uyt Godtlijcker aert, Ia die den Heere vreesen, Colos.3,14.Daer de liefde is haren bandt, Waer datse woonen in het Landt Als een volck Gods ghepresen. 1.pet.10,22.Natuyrlijck uyt liefde bequaem, Phil.4,7.Wensch ick u Godes vrede, Als een ghelidt Eph.4,16.aen het lichaem, En barmherticheyt mede, Van Godt den hooghen Vader schoon, Door Iesum Christum synen Soon, In alle eeuwighede. Phil. 2. 4.WEESt hertelijck van my vermaent, 1.Pet.2,21.Mijn Broeders uytvercooren, Gaet op den wech die u ghebaent, Is van Christo te vooren, Act.20,28.Ghy die nu rechte Herders zijt, Der Kudden Christi in dees tijt, Laet niemandt int versmooren. 'tKuddeken Christi wel bewaert, Act.20,20.Door sijn root bloet verworven, Die hy nu Ioan.10,16.heeft by een vergaert, En is voor haer ghestorven: Esai.53,15.Denckt hoe hy Petro snel beval,
Syne Schapen te weyden al,Ioan.21,15. Laet sy niet gaen bedorven. Een oprecht Vaderlijck ghemoet Wilt teghen haer bewysen, Nae Iesum Christum opghevoet,Ioan.10,12. Soo wilt de Kudde spysen:1.Pet.5,2. En houdt voor haer oock goede wacht,Act.20,28. Tot ghyse tot der rust hebt brachtHebr.4,1. Int eeuwich verjolysen. Neemt doch malcanderen neerstich waer En wilt u niet verschoonen, Want elcks werck dat wordt openbaerRom.14,10 En Godt die salt beloonen,matt.10,27. Die nu dienen ghetrouwelijck1.Petr.5,5. Die sal hy in sijn eeuwich Rijck, Met vreuchden heerlijck Croonen. Bidt Godt om wijsheyt en verstandt Dat ghy sijn volck meucht richten,3.Reg.3.9. Met rechten Oordeel uyt sijn handt, O Heer, wilt haer verlichten, Al die ghy hebt ghenomen aen, Dat sy door uwen Gheest voortgaen,Ioan.14,16. En u Ghemeynte stichten. Een eenich volck ghy Heer bemint Het welck men siet verstooren, Om datmen weynich Vaders vint: Maer veel onwijs' Doctooren, Een yeghelijck wil zijn de meest, Verlaten alsoo uwen Gheest, 'Tis jammerlijck om hooren. Recht onderscheydt van uwer WetMatth.2,7. Wilt uwen Knechten gheven,Ioan.14,16. Door uwen Gheest, dats mijn ghebet, O mijn Godt hoogh verheven, Datse niet letter nemen aen2.Cor.3,6. Voor Gheest, ende alsoo van u gaen,Gal.5,4.
'Tis veel te dick bedreven. Comt doch te samen wel ghesont, Die draeght den Christen name, Gal.6,3.Verdraeght u al van herten gront, Doet wech de schand' en blame, Dat men segghe int openbaer: Dat is de rechte Christen schaer, Soo crijcht ghy een goe fame. 1.Pet.1,22.Het is uyt reynder liefde soet Ghedicht, en u ghesonden, Mijn Broeders, dat ghy't metter spoet Soudt neerstelijck doorgronden: Op dat ghy meucht by't lief ghetal Staen, als de Heere comen sal, 2.Petr.3,18.Dat ghy vast wordt bevonden.
Cookies on Poetry Cove