Het groote liede-boeck

Op de wyse van den 51. Psalm: Ontfermt u over my arme zondaer, etc. Mat.28,6.NA dat Christus Iesus was op verweckt 1.Cor.15,4.Van der doodt, en sijn jongers had gesonden, Om sijn Euangelium te verconden, marc.16,15.Den gheloovigen te doopen perfeckt, En sy de landen nu hadden doorgaen, En ghepredickt het reyne Woordt des Heeren Daer van Lucas Actorum doet vermaen, Ginghen sy naer Ierusalem haer keeren. Actor.8,24.Des Heeren Engel tot Philippo sprack: Staet op, en gaet ghy nu tegen het Zuyden Op de straet, die van Ierusalem huyden, Afgaet na Gaza, die woest is en swack, En hy stont op, ende hy ginck daer heen: En siet, een man uyt Moorenlant ghebooren Een Camerlinck // een gheweldighe reen, Der Coninginnen Candares vercoren. Actor.8,26.Wt Moorenlandt, welcke was over haer Schatcamer, die selve was ghecomen, Te Ierusalem, ja tot syner vromen, 1.Reg.8,33.Op dat hy soude aenbeden aldaer,

En toogh weer heen, daer hy te huyse was, Sittende op synen waghen verheven, Daer hy den Propheet Esaiam las En de Gheest sprack tot Philippo bezeven. Gaet henen toe, maeckt u den wagen byActor.8,28. Doe liep Philippus toegeneycht ghepresen En hoorde hem in Esaias lesen, En sprack: wat ghy leest, verstaet oock dat ghy? Ende hy sprack: hoe can ick, als ghy niet Iemandt uytleydet? hy ginck doe begeeren Philippum, dat hy op tradt, en met reet, Op dat hy soud' by hem sitten ende leeren.Actor.8,31 De Schriftuyre die hy las, dese was:Esai.53,7. Hy is geleydt gelijck een Schaep te dooden, Ende ghelijck een Lam in scheerens nooden, Stemmeloos voor synen bescheerder ras, Synen mondt en heeft hy niet op ghedaen, In ootmoet is sijn oordeel wech int herden, Wie sal sijn gheboorte vertellen saen? Want sijn leven is verruckt van der eerden. Doe antwoorde de besnedene snelActor.8,33. Philippo, en sprack met herten begeerich, Van wien seyt de Propheet dit soo teerich, Van hem selven, oft yemandt anders wel? Philippus dede open synen mondt,Luce 22,45. En hy heeft van dese Schrift aen begonnen En predickte hem d'Euangely rondt, Van Iesu, daer met heeft hy hem verwonnen. En doe sy over wegh reysden soo vry,Actor.8,35. Quamen sy aen een water daer ghetreden, Hoort ghy beminde, wat sprack de besneden Siet, daer is water: wat belettet myActor.10,47 Dat ick my niet laten doopen en sou? Philippus sprack: ghelooft ghy het ghebieden Wt heelder herten, om te zijn ghetrou, Soo mach het op dees reyse wel gheschieden.

Actor.8,36.Hy sprack: ick gheloove dat soo ghewis, Dat Iesus Christus is Godts Soon verheven Ende hy deed' den waghen stil staen even, En sy clommen beyde af int water fris: Hy doopte hem, maer doen nam hem den geest Des Heeren, en de Moor sach hem niet meere Hy reysde vrolijck sijn straet onbevreest, Ghy mijn beminde, neemt dit voor een leere. Phil.3,1.Zijt nu ghetroost, verblijt u in den Heer Ghy die in Gods ghemeynte zijt ghetreden Wilt uwe tijdt die ghy hebt, wel besteden Phil.4,7.Leeft ghy in vreden, dat is mijn begeer, Heb.12,22.Ghy zijt ghecomen tot den Bergh Syon, Namaels sult ghy worden seer hoogh verheven En draghen des eeuwighen levens Croon, 4.Esd.2,43.Die u God deur Iesum Christum sal geven.