Op de wyse: vande 10 gheboden, Heft op u hert, etc. ofte: met twee versen van den 118. Psalm, Dancket etc.
VVIlt doch die ooghen lieve Heere,Psalm.34,16.
Vwer barmherticheyt nu slaen,Ioan.6,5.
Op haer (die nu tot uws naems eere)
Int huwelijck te samen gaen.Genes.2,22.
Wiltse, o Godt, ghebenedyen,Psal.29,11.
Zeghenen met ghenaden fijn,Psalm.3,9.
Dat haer voornemen t'allen tyen,Tob.7,17.
In u recht mach gherichtet zijn.
Vwe eer, Heer, alleyn te soecken,
En haerder zielen salicheyt,
Haer soo bewysen als die cloecken,Ephes.1,11.
Tot love uwer Majesteit.Tob.8,6.
En als 'tbetaemt der heyl'ger nacy,
D'echte oprechten onbeswaert,
En voor des vyants quae temtacy,Matt.6,13.
Moghen bevrijt zijn en bewaert.Luce,11,4.
Datse in al haer cruys en lyden,1.Cor.7,28.
En noot die haer noch sal aenstaen,
En hier ontmoet, moghen verblyden,
Vwen Godtlijcken troost ontfaen.
O Godt dit bidden wy te samen,
V die woont in des Hemels Throon
Laet dit doch Heere worden, Amen,
Door Iesum Christum uwen Soon.