Op de wyse: Ick sach twee spruyten schieten, etc. ALs lieve vrienden pleghen, Zijnde gheest'lijck gesint, Soo wensch ick u Gods zegen Voor al, mijn lieve kindt, Rom.1,7.Ghenade goet // u by zijn moet, Int hert sy by u blijf, Tot dat ghy hebt ver creghen, Dat ick alhier beschrijf. BInnen moet sy verlichten, V hert en uwen sin, En u ghemoet so stichten, Haer claerheyt schijnt daer in, Tit.3,7.Gherecht alda // door Godts ghena Meucht door die hope zijn, En u ghemoet meucht richten, Naer 'teeuwich leven fijn. Ghesont wil u nu maken, Tit.2,11.Gods genade perfect, Dat ghy wel meucht gheraken, Door dit licht onbevleckt, Ghenade reen // ons nu verscheen Van Godt gheheel heelsaem, Dit goet doet ons ghenaken, In Christi Iesu naem.
Also sy doet ghenesen, Sy ons oock onderwijst, Het ongoddelijckTit.2,12. wesen Sy oock seer misprijst, Sober en recht // veerdich en slecht Daer toe sy ons nu raet, Gods ghenade gepresen, Tot onser eyghen baet. Iae sy gaet ons verstercken Godts wil te doen eenpaer, En helpt ons2.Tim.2,1. crachtich wercken, Als ons den last valt swaer Wat onghesont // nu is terstont, Sy't ons te kennen gheeft, Dat wy't connen bemercken, Waerschoudtse ons beleeft. Liefste, volght desen rade, So Paulus tuyght bequaem, Sterckt u in die ghenade, Ghewelt te doen eersaem,Matt.11,12. Om Godes rijck // seer vromelijck Begeert sy nu ter tijdt, Vertoeft doch niet te spade, Nu ghy beroepen zijt. Ten eynd' sal sy u leyden, Rechten en helpen me, Int werck u hulp bereyden, Tot ghy in s'Hemels ste Sult binnen gaen // en by u staen Wat u hinderen sal, Sal sy van u doen scheyden, 'tNoodich u gheven al. Och laet u doch ghenoeghen,2.Cor.12,9. Met der ghenaden mijn, Seyt Godt: ons te verhoeghen, In commerlijcken schijn, En keeren van den pat, Om ons cleyne vermoeghen, Gaet Godt beloven dat. Niet en sal ons ontbreken Soo dese by ons blijft, Bidt daerom onbesweken, Int aenhouden verstijft,Luc.18,1. Om haer hulp goet // regeeringh soet, Spyse, int Christen werck Volherdich, haer voorspreken, Dit sal u maken sterck.
In volmaecktheyt aendachtich, En dat ghy nu begeert, Vervult zy wel en crachtich, Den moet zy ons vermeert, Dat wy niet min // die haven in, Sullen zeylen te gaer By onsen Godt almachtich, En syn Hemelsche schaer. Seer doet nu overvloeyen Gods ghenae in dees tijdt, Och mocht sy by ons bloeyen, Int hert ontloken wijdt: Maeghd'lijck eerbaer // voor een nieu Iaer, Neemt dit van my in danck, In dees genae wilt groeyen, Nu al u leven lanck. DOCHTER neemt dit int goede, Na 'tlichaem onbekent, Met Christ'lijcken ghemoede, Ben ick t'uwaerts ghewent: Wort niet vertsaecht // om dat ghy draeght Der menschen smaet alleyn, Godt neem u in sijn hoede Brengh u in 'sHemels pleyn.
Cookies on Poetry Cove