Op de wyse: De Nachtegael die sanck een Liedt, dat leerde ick.
TRYNTGEN, STYNTGEN, SAERKEN, IACOBS DOCHTERS vroet, Prov.2,2.Wilt neerstich doch aenhooren, vaet in u ghemoet, Wat ick u sal voortbringhen // int singhen, Ick wensch u Gods ghenade goet, Rom.1,7.Lieflijck voor alle dinghen. 1.Cor.1,2.Ick bid, dat hy u geve wijsheyt en verstant Psal.149,4.En dat hy u sijn vrese diep int herte plant, Prov.3,7.En u oock cracht wil gheven // daer neven, Recht gheleyden met syner handt Tot den eeuwighen leven. Exodi,23.*Op sijn gheboden wilt doch neerstich nemen acht, Sijn goede onderwysinge houdt in gedacht Dient doch den Heer der heeren, wilt eeren Ephes.6,1.Vwe Ouders uyt aller macht, Coloss.3,20Want dat is Gods begheeren. Ephes.4,13.Biedt u de handt, naer dat ghy van Godt hebt ontfaen, En wilt elckanderen ghetrouwelijck bystaen Naer dat ghy hebt vermoghen // voor ooghen, Wilt doch geern wesen onderdaen, Rom.12,10.Tot dienstbaerheyt u voeghen. Rom.6,13. En uwe ledekens so tot der deucht begheeft matt.19,20.Van uwe jonckheyt an, so langhe als ghy leeft En wilt tot allen tyden // vermyden, Iud.5,22.'Tgheen dat de Heer verboden heeft En niet en can gelyden. Al zijt ghy jeuchdelijck, van Iaren niet te out, V lichaem doch in reynicheyt altijt behout 1.Petr.3,7.Met neerstigen ghebeden // en reden, Roept tot den Heere onverflout, Psal.23,25.Hy hoort de sijn beneden. Actor.17,26Seght: Heer, wy zijn u schepsel dat ghy hebt ghemaeckt Over ons nu ten goeden alle tyden waeckt,
Wilt doch in onse daghen // sorgh draghen1.Petr.5,4. Voor ons tot wy zijn recht gheraeckt, Naer u Godtlijck behaghen. D'onnoselheyt laet ons ghestadich blyven by, Op dat ons hert voor u altijdt onschuldich zy En 'thooghmoedighe wesen // mispresen,1.Petr.5,5. Ons en ghelust tot ghenen ty, Naer dat wy u Heere vresen. En dat wy dese Weerelt, vol van alle quaet,1.Ioan.2,16. Niet soecken te behagen, Heer, met onser daet, Maer u alleen waerachtich // aendachtich, V jock draghen, hoe dat het gaet, Heer maeckt ons daer toe crachtich. Op dat wy soo voortaen moghen ons leven lanck,matt.11,19. Verslyten en deurbrenghen Heere u tot danck En dat alle met namen // versamen, Daer men singht het nieuwe ghesanck In d'eeuwich leven, Amen.Apoc.14,3.
Cookies on Poetry Cove