Op de wyse: In een groot ongheluck ben ick gheboren, etc. Esai.64,8.GOedighe Godt, ghy lieve Vader, Ick roep tot u, Psal.3,8. maeckt my ghesont, Weest myner zielen een berader, Dat bid ick u van herten gront. En zijt ghy niet mijn Godt verheven, Ezec.16,6.Die my aennaemt met uwer hant, Luc.7,47.En my mijn zonden hebt vergheven Deur Iesum Christum den Luc.2,11.Heylant. Psal.18,20.En ginck u handt my niet gheleyden Apo.18,10.Wt Babylon de groote stadt, En brocht my in Israels weyden, Ioan.6,58.Daer men des levens spyse adt. Apoc.12,20Ras als den Draeck dede uytschieten, Den stroom seer fel, die my aenquam, Liet ghy my uwen troost ghenieten, Doe ick tot u mijn toevlucht nam. Troostlijck hielt ghy my in u handen, 1.Pet.2,11.Doe ick moest zijn vreemt en een gast, Hebt ghy my altijt byghestanden, matt.11,28.Heel licht ghemaeckt al mynen last. Ginghen de Menschen my versmaden, Ioan.9,22.En deden my in haren Ban, Soo naemt ghy my aen in ghenaden, Dat ick quam ongheschendt daer van. Psa.103.En soud' mijn ziel, u Heer, niet loven, Om u weldaet die ghy bewijst? O ghy mijn Godt mijn Heer hier boven Mijn herte in u verjolijst. 1.Petr.1,13.Niet, Heer, mijn doen, maer u ghenade,
Ist 'tgheen daer ick my op verlaet, Slaet bly u arme dienstmaeght gade, Want ghy kent mynen swacken staet. Prysen wil ick u al mijn daghen, O Heere, maeckt my doch bereyt, Dat ick het Iock mach gheerne draghen, Dat my van u wordt opgheleytmatt.11,29. Int Babels net nu opghehanghen,Psal.9,16 Subtijl ghebreydt en voorghestelt Laet mijn ziel niet worden ghevanghen, Op dit verwoeste Babels velt. En van't fenijn dat nu doet vloeyen, Bewaert mijn ziel en mijn lichaem, Dat ick ghesont en wel mach groeyen, Om u te worden aenghenaem. Tot dat ick sal scheyden en sterven, Soo staet my by met uwen troost, Laet my hem nu voortaen verwerven, Soo ghy my dickmaels hebt verloost. En hier met wil ick, Heere goedich, Bevelen u mijn ziel en lijf,Psal.31,8. Om my te helpen, weest doch spoedich,Psal.70,2. Onvolcomen is mijn bedrijf. Recht als een Hert met dorst bevanghen,Psal.42,2. Naer het versche water nu crijt, Soo doet mijn ziel na u verlanghen, O ghy mijn Godt ghebenedijt. Singht en verheucht ghy Christen nacy, Prijst Godt met my u leven lanck, Want hy is goet, groot is sijn gracy, Hem zy ghegheven grooten danck.
Cookies on Poetry Cove