Op de wyse: En hebt ghy niet te missen gheweest. HEt is voorwaer een langhen tijdt, Menighen dag gheleden,
Dat ick my gaf met grooten vlijt,Mat.7,14. Den smallen padt te treden,Apoc.21,2. Om te comen // t'mijnder vromen, In die stadt vol vreden.1.Cor.13,5. Voor d'eerst vond ick een Woesteny, Waer deur ic moest passieren, Daer in staet my lief Heere by, Est weest my goedertieren Wilt my leyden // sonder beyden Wel te rechte stieren. Ick vind voor my den diepen dal,Luce,3,5. Hoe sal ick door gheraken, Dat ick u recht betrouwen sal, My in u hulp vermaken, Dat ghy machtich // zijt en crachtich,Luce,18,27. Tot al mynen saken. Ia als ick deur dees leechte bin, So staet den bergh voor ooghen, Daer overEsaie,40,3. moet ic ooc niet mijn, Climmen deur u vermogen 'Tvalsch betrouwen // int benouwen Soud' my niet verhoogen. Com ick over den bergh aldaer, So vind ick cromme wegen, Vwe goetheytLuce,3,5. my doch bewaer, En geeft my uwen zegen, om den rechten // ende slechten, Wech te gaen gheneghen. Heel veel steenen swaer ende groot, Maken den wegh oneven, Daer aen ick my menichmael stoot, Geeft my ghenaed int leven, Wt mijn crachten // my te wachten, Voor't hoochmoedich sweven.Tobie,4,10 Lief Heer als dit is wat ghelijck So vind ick hier int reyne, Voor my dicwils noch diepen slijc, Den modder poel niet cleyne, Wilt u spoeden // my behoeden, Voor wellust onreyne.1.Cor.10,8. Eer ick com uyt den modder snel, Soo staen daer (wilt dit vaten)
Matt.13,7.Veel distelen en doornen fel, Die 'tsteken niet en laten, 'Tis niet minder // sy doen hinder, My dickmaels der maten. Nu ick my meene altemet, Met u (Heer) te bespreken, Soo word' ick menichmael belet, Door haer cratsen en steken, Snel te gane // op u bane, Doense my ontbreken. Aensaecht ghy my niet lieve Heer, Met oogen der genaden, So en mocht ic doch nimmermeer, Doorgaen al dese paden, V hant goedich // help my spoedich, Volbrenghen die daden. Phil.1,6.Recht soo ghy hebt begonnen 'twerck, So wilt het sonderlingen, Wtvoeren en my maken sterck, Dat ick in al dees dinghen, V behaghen // al mijn daghen, Mach neerstich volbringhen. Matt.7,14Tredende op den smallen padt, Apoc.21,2.Naer 'tHemelrijck soo schoone, Tot ick com in de rijcke stadt, En vercrijch daer te loone, Wel beraden // uyt ghenaden, Van des levens croone. Soo wil ick dan nu wel ghemoet, 4.Esdr.2,7.Voortgaen en vast betrouwen, In u, o lieve Heere goet, Dat ghy my sult aenschouwen, 2.Cor.10,13En daer neven // uytcomst gheven In al mijn benouwen.
Cookies on Poetry Cove