Op de wyse: Het was sich een Margrieteken. Ephes.1,6.MAeckt my bequaem, O lieve Heer, Tot lof van uwer eeren, My nu te schicken even seer, Vwen wil recht te leeren.
En soo van myner jonckheyt aen, 2.Petr.1,7.My mach geven tot deuchde, En schicken so na u vermaen, Mijn leven in mijn jeuchde. In dienstbaerheyt maeckt my bereyt,
Eccles.3,7.Aen mijn Ouders met vresen, Haer te helpen in lief en leyt, Met ghehoorsamen wesen. Kindtlijcke liefde my doch gheeft, Eccle.7,29.Dat ick die sonderlingen, Mach bewysen aen
haer beleeft Die my voort deden bringhen. En dat mijn woorden moghen zijn, Eccles.3,7.Vrientlijck antwoordt te geven, Met waerheyt en eerbiedingh fijn, En gehoorsamen leven.
Naer mijn voornemen wat ick mach, Exo.20,12.Haer oock te hulpe comen, Met nootdrufte nacht ende dach, My schicken by den vromen. Ephes.6,1.Soo oock ghehoorsaem zijn altijdt,
In wat u doet behaghen, Naer u leere ghebenedijdt, Als sy my die voordraghen. Iae lieve Heer dit in my werckt, Want ick ben cleyn van crachten,
Ephes.3,15.Door uwen Gheest my doch versterckt, Dat ick't wel mach betrachten. Luc.24,31.BRANdende maeckt mijn hert hier toe, Begaeft my uyt ghenaden, Dat ick die dagh
mijns levens soe, My gantsch wijslijc mach draghen. Toont my u goetheyt, lieve Vaer En wilt my doch versorghen, Pro.30,19.Wat uyt my worden sal hier naer,
Dat is my noch verborghen. Slaet myner gae, gantsch an ghehiel Psal.31,6Beveel ic in u handen, Mynen geest, 'tlichaem en mijn ziel, Laet my niet gaen te schanden.
Cookies on Poetry Cove