op de wyse: Ghelijck als de witte Swane, etc. MIjn Godt, tot u moet ick claghen, Biedt my doch u milde handt,
Gheeft my naer u goet-behaghen Rechte wijsheyt en verstant,Iac.1,5. Dat ick doch mijn jeuchdlijck leven // even seer Tot der deuchde mach begeven // lieve Heer.2.Petr.1,5. Aen u met een vast betrouwen, Houd' ick my tot aller stont, Als ick Heer sal in benouwen, Comen in den Aerdtschen gront Als ghy my Heer hebt beraden // alletijt, Soo staet by my met ghenaden // in den strijt.Ephes.6,12. Recht doch Heer altijt mijn weghen Leert my soo den smallen ganck,Mat.7,14. Gheeft my een ghemoet gheneghen, Tot der deucht, mijn leven lanck: Ick heb dit nu voorgenomen // wel bedacht Wilt my doch te helpen comen // gheeft my cracht. In mijn jeuchdelijck versinnen Saeght ghy mijn ellende aen, Brocht my, dat ick soud' beginnen, In u vreed'saem huys te gaen, Leert my wat ick sal hantieren // aldermeestLuce.15,25. T'uwer eeren, met manieren // onbevreest. Keert doch Heer al mijn ghedachtenDeut.6,5. V te beminnen voor al: Dat ick neerstich mach betrachten,matt.22,36. Hoe ick oock lief hebben sal Mijnen Naesten naer 'tbehooren // neffens my So ghy my liefdet te vooren // maeckte vry.Ioan.3,16. Ey Heere, stiert doch mijn voeten, Tot der ellendiger huys, Dat mijn comste mach versoeten, Haer droeffenisse en cruys, Leert mijn handen doch uytsteken // nu ter tijt Te vervullen haer ghebreken // met jolijt. Naer 'tspysen doet my Heer haken,matt.29,35. Dennen die hongherich zijn, Gheeft my Heere oock te smaken
Haren noot in honghers pijn, En so haer mach ontfermen, door den dach En haer troosten als sy kermen // wat ic mach. Kennende gheeft my te dincken, Op den dorstighen benout, Dat ick hem brenghe te drincken, In synen dorst menichfout, Dat ick mach sijn herte laven // in sijn leyt, Wilt my doch Heer so begaven // wel bereyt. Matt.25,36.Leert my Heer met goeden zeden, Dat ick mach met herten lust, Om den naeckten te becleden Vyeren, noch hebben geen rust, Wat by my is overvloedich // min oft meer, Dat ic't mach uytdeelen spoedich // t'uwer eer. O Heer, wilt mijn herte stieren, Dat ick mach seer blydelijck, Hebr.13,2.De vreemde gasten logieren, In noot, soo wel arm als rijck, En soo voor haer mach verclaren, dadich vroem, Datse my sonder beswaren // zijn wilcoem. Syr.7,38.Crancken leert my Heer besoecken, Tot troost met woorden en daet, Waer dat sy leggen in hoecken, Benout in soberen staet, Mijn ghemoet doet derwaerts dringhen // met der spoet Haer consolacy te bringhen // lieflijck soet. Keert mijn ghemoet met verlanghen, Tot hem, Heer, die swaerlijck is, Hardt ghebonden en ghevanghen, Om uwe ghetuyghenis, Dat mijn comste mach vertroosten // in der noot, Verlichten haer swaer propoosten // tot der doot Ey lief Heer, wilt dit doch wercken, In my, ick ben onbequaem, Door uwen Gheest my verstercken,
Tot ick u soo aenghenaem, Mach dienen van herten blyde // mynen dach, En dan aen u rechte zyde // comen mach. Niet Heer mijn wercken wilt loonen Maer uwe barmherticheyt Ist 'tghene dat ghy moet croonen Door u groote Majesteyt, Laet my niet worden te schanden // int bedrijf Ick beveel in uwen handen // ziel en lijf.
Cookies on Poetry Cove