Nae de wyse: Als de Heer verkeeren wou, die banden der ghevanghen. ALle lieve vrienden mijn Wensch ick ghenaed' en vrede,Rom.1,7. Waer sy moghen vergadert zijn Int Aerdtsche landt op dit termijn, Door Gods ghenadichede. Een groote liefde dit bedenckt, Heeft ons de Heer bewesen, Dat hy ons 'tleven heeft gheschenckt, Die wy ter doot waren ghekrenckt,Ephes.2,8. Door sijn ghenad' ghepresen.
Langhen tijdt soo waren wy Met s'Duyvels bandt ghebonden, Doe quam den Heer by goeden ty En maeckten ons des selven vry 1. Pet. 2. 24.Door Christi roode wonden. Keert doch nu niet wederom In het oude leven, Rom.12,11.Weest niet traegh, Mat.25,24.maer altijt vroom, 1.Pet.5,8.Houdt u wel tot dat ick coom, 2.Pet.3,10.Soo spreeckt de Heere verheven. Luc.12,46.Elck een houd' doch goede wacht, Mat.29,21.Want de Heere sal comen, Als een dief comt in der nacht, Als de knecht daer minst op acht Dan prijst de Heer den vromen. Niemant mach voor hem bestaen Dan die hy vindt waken, Mat.7,23.Want die't quaet hebben ghedaen Moeten t'samen van hem gaen Diep in de helsche kaken. Mat.25,21.Int ghen' dat u ghegheven // is Wilt u wijslijck houwen, Denckt waer de knecht ghebleven // is, Die traegh was, soo't gheschreven // is, Hy quam in groot benouwen. Aenhoort wat hem wordt gheseght Die woecker heeft bedreven, Ey goede en ghetrouwe knecht, Ghy waert ghetrouwe in het slecht, Noch meer sal ick u gheven. Comt, sprack hy noch meer tot hem, Gaet in uws Heeren vreuchde, Dus hoort ghy heden 'sHeeren stem, Apoc.21,2.Staet op, gaet na Ierusalem, Hebt daer in u gheneuchde. Overdenckt doch menichfout
Hoe fijn salt daer wesen, Daer zijn straten schoon van gout, 't Fundament heeft Godt ghebout, Dit mach men claerlijck lesen. Binnen dese Stadt gheciert, En comen gheen zondaren, Maer wie hem snel van boosheyt keert, En ghenaed' van Godt begheert, Die sal aldaer vergaren. Slaet wel gae dit cleyn vermaen, V uyt liefden ghegheven, Int recht voornemen blijft vast staen, En wilt niet uyt den weghe gaen Die dach die ghy sult leven.
Cookies on Poetry Cove