Op de wijse: Orpheus droef van zinnen, etc. 1.Pet.3,12.COmt vrienden, laet ons beden, Met Christelijcken zeden, Vyerich tot aller stondt, Laet ons nu voor Godt treden Al met bequame reden, Wt onser herten grondt, Segghen met ziel en mondt, O Heer, wilt doch bereyden, Mijn tongh' sonder verdrach, Datse u salicheyden, Wt vercondighen mach. Recht tot u lieve Heere, (Ghy die een Heere Psal.25,1.zijt, Der Heyrscharen seer goet Een Coninck vol van Eere, Eeuwich ghebenedijt, Machtich in overvloet) Hef ick nu mijn ghemoet, Mijn ziel uyt mynen crachten, Brengh ick voor u ter handt, En wilt my niet verachten, In mynen swacken standt. Nu com' ick te begeeren, Maer mijn ziel Rom.7,23.steeckt int stof, Der Werelt vast bedeckt, Gal.5,16.Het vleesche wilt my leeren Syne wellusten grof, My te maken bevleckt, So dat ick word' verschreckt, O Godt, wilt ghy doch comen, Tot myner hulpen coen, Alsoo ghy alle vromen Hier voormaels placht te doen. En bereydt my doch spoedich In desen ooghenblick, O Heer door u gena, Die crachtich overvloedich Is, en duyrt eeuwelijck, Waer op ick vast nu sta, Op dat ick vroech en spa, Mach weerdich zijn bevonden Rom.8,26.Te bidden so 'tbehoort, Vwe goetheyt doorgronden, Al naer u heylich woort.
Laet vernieuwen ghestadichRom.12,2. Liev' Heere mynen zin, Mijn ghedachten al t'saem, Beneemt doch seer genadich, 'Tgene dat my valt in, V Heer niet aenghenaem Want dat is onbequaem, Int herte te versinnen, Als men voor u verschijnt Laet dat door u beminnen, In my worden verdwijnt.Actor.2,1. Instort my uyt ghenaden,Ioan.14,16 Vwen heylighen Gheest, Die ons te recht nu leert So sal ick onbeladen Mijn ziel int minst en meest, Wt trecken wel bekeert, Van wat het vleesch begheert, En schicken mijn ghedachten, Naer 'tHemelschColoss.3,4. Regiment, Om dit wel te betrachten My uwen Trooster sent.Ioan.15,26 Van uwer liefden crachtichIoan.14,26 Sal hy maken aendachtich En u ghetrouwicheyt Voor u te comen clachtich, Als onsen Godt almachtich, Met herten wel bereyt, En armen uytghebreyt, Ontluycken onse handen, Als vleugelen metRom.12,1. spoet, Om reyne offerhanden Voor u te brenghen soet. So sal de liefd' ons dringhen Int beden ende singhen, Dat het sal gheven toon, Int Hemelsche omringhen, Sal ons herte opspringhen, Vrolijck vanPhil.3,1. vreuchden schoon, Door uwen lieven soon, Laet dit licht doch verlichten, My, in dit aerdtsche dal, Op dat hy't al mach dichten Wat ick begeeren sal. PETRI reden ghepresen, Hebben my onderwesen, Wien ghy verhoo1.Pet.3,12. ren sult, Die rechtveerdich in desen, V lieve Heere vreesen, Worden met troost vervult, Heere ick ken mijn schult,Luce 15.
Wilt my doch wel beraden, Ick ben van deuchde naeckt, Door u kindt uyt ghenaden, Rom.5,18.My doch rechtveerdich maeckt. BOomen die zijn verheven, Mat.3,10.En gheen goed' vrucht en gheven, Sult ghy afhouwen ras, Siet, Heer, niet aen mijn leven Wat ick oyt heb bedreven Dat u en teghen was, Mat.4, ende 9.Den Prins die't al ghenas, Luc.17.Dien ghy ons hebt gesonden, Wt liefden in't ghemeyn,1.Ioan.1,7.Wil door sijn roode wonden, Hebr.9,14.Ons zonden wasschen reyn.
Cookies on Poetry Cove