Op de wyse: windeken daer het bosch af drilt. IEuchdlijc zijnde in mijn tijt, Ieuchdlyc, etc. O Godt my ghenadich zijt Lieve Vader // een berader, Weest my doch tot alder stont Dat bid ick u van herten gront. Binnen al in mijn herte prent, Binnen, etc. Vwe liefden excelentmatt.22,36. Die voor desen // ghy bewesen, Aen my hebt u teere maecht En die ghy noch teghens my draecht. En verlaet my doch nimmermeer, En, etc. Want ick ben u schepsel teer, Wt ghenaden // wilt die graden My leeren te recht verstaen, Waer deur ick mach ten Hemel gaen. Lief Heer die wetenschap my leert, Lief etc.Esai.11,2. Dat ick mach soo ghy begeert D'aertsch verachten // en betrachten, Themelsche te soecken meest Gheeft my die cracht deur uwen Gheest. Heel vervult my met zijnder cracht, Heel etc.Esai.1,3. 'Tgoet te doen met alder macht En der maten // 'tquaet te laten, Dat ick 'tquaet teghenstaen mach Vromelijck stryden deur den dach. En geeft my ooc een recht verstant, En etc.Esai.11,3. 'tGheloove te vaten, want Dats van nooden // u gheboden, Zijn noodich ter salicheyt Hoedt my voor tgene dat verleyt. In rechter Godtsalicheyt voort, In etc.Tit.2,12. Sterckt my wat daer toe behoort Medelydich // liefde blydich,
Dit vyer (Heer) in my onsteckt Vervult het geen dat my ontbreckt. Int raden maect my wijs en vroet, Int etc. Bedruckten te gheven moet Met propoosten // haer te troosten, 'Tis uwen Gheest (Heer) die dit sticht Heer, my deur hem soo verlicht. Eccles.1.*En uwe vrees' verweckt in my, En uwe etc. Dat ick 'tquaet tot allen ty Hier mach vlyden // en vermeyden, V oordeel met recht bereyt Derwaerts men gaet, als men hier scheyt. Matt.7,24Nu Heere maeckt my wijs bequaem, Nu etc. En tot lof van uwen Naem Mijn jonck leven // u begheven, Te verslyten ghemaniert Door uwen Gheest wel gheregiert. Dat ic van u mach zijn bemint, Dat ic etc. My bewyse als u kint Dat verheven // wordt gedreven, Door uwen Gheest even seer Rom.8,14.Soo doen u kinder lieve Heer. 1.Petr.5,4.OCH Heer voor my doch sorg behout, Och Laet my niet worden verflout Maer verbeyden // u goetheyden, Ghy weet veel beter als wy Matt.6,32Wat ons alhier van nooden zy. Ter rechter noch ter slincker hant, Ter etc Laet my met glyden in 'tLandt Maer daer comen // by die vroomen, Die de croon sullen ontfaen 4.Esdr.2,7.Op Syons Bergh met vreuchden staen.
Cookies on Poetry Cove