Op de wyse: van den 68. Psalm. Staet op Heer toont u onversaecht. Matt.14,31GRypt my lief Heere by der handt Ghy mijn Godt doet my bystant, In mijn commerlijc leven, Eensamich nu in mynen staet, My doch nimmermeer en verlaet 2.Cor.7,5.Vwen troost wilt my gheven, Eccles.17,1.O mijn Schepper ghebenedijdt 1.Petr.5,7.Weest mijn versorger t'alder tijdt, In mijn sware benouwen, Daer in ick com tot deser stondt, Heere leert my van herten gront marc.9,43.In u vastlijck betrouwen. Matt.18,19Eeuwich duyrt uwe goetheyt Heer Ghy toontse elcken even seer, Dennen die sy begeeren Ia elcken die daer op verwacht V daerom aenroept dach en nacht, Daer toe doet ghy Godt keeren Bewijst hem uwe goedicheyt, Daer toe zijt ghy milde bereyt Leert my dit ooc aenmercken, En vast hoopen met toeversicht, Dat uwe goetheyt, Heere dicht, My sal helpen, verstercken. Troostlijck wordt mijn herte verblijt Als ick bevinde dat ghy zijt, Psal.144,8Een ontfermer der armen Daer om mijn hert t'uwaerts ghekeert,
Vervult dat geen dat het begeert, Wilt u minder ontfermenPsalm.4,2. Want niemant en wort oyt beschaemtPsal.32,2. Die betroude soo dat betaemt,Eccles.2,11. Niemant en is verlaten Die in u vres' gebleven is, Ghy ontfermer verheven wis Comt mij arme te baten. Alleen zijt ghy daetlijck met schijnIohan.3,36 Een gantsch oprecht liefhebber mijn, T'onswaerts gheheghen even Want ghy hebt ons heerlijck bemindt Doen ghy ons gaeft u lieve kindt,1.Ioh.4,10. En met hem d'eeuwich leven, O Godt voor1.Ioh.2,26. die verdiende doodt Wie soud' in uwe liefden groot Immer moghen vertsaghen, Leert my dit bedencken gepast Daer in oprecht betrouwen vast, Alle mijn leve dagen.Eccles.2,20 BEReyt mijn herte soo't behoeft Dat ick op u waerheyt beloeft, Mach vastMatt.9,10 betrouwen stadich Want die Schrift is daer met vervult Dat ghy ons helpen troosten sultMatt.6,21. Als een groot Godt ghenadich Als wy u sullen roepen aan,Psal.47,16. En met betrouwen tot u gaen, Dit wilt in my vermeeren Dat u waerheyt eeuwich bestaet Heere my vast betrouwen laet, Tot lof van uwer eeren. T'samen leert my betrouwen voort Vwer wijsheyt, ghy die orboort, T'onser baet alle dingen Ghy die oock beterMatt.6,36. weet als wy Wat ons alhier van nooden zy In des weerelts omringhen, Gheneghen om met uwer handt Vwen Schepsel te doen bystant, V claer schynende ooghenApoc.1,14. Diet al deur sien 'tzy groot oft cleyn,
1.Petr.5,7.Draecht voor ons' sorghe int ghemeyn, Dat wy betrouwen moghen. DOCH boven al leert my verstaen, Genes.17,1.Dat ghy almachtich zijt gedaen En dat ghy kondt vernielen, T'onderwerpen, maken tot niet, 1.Petr.5,8.Al die ons hier aen doen verdriet, Den vyandt onser zielen, Gheeft my dat ick dit wel aenschouw, O Godt dat ghy zijt gantsch ghetrouw, En kondt uwe dienaren, En schepselen seer Psalm.27,3menichfout, Die op u hopen jonck en oudt, Beschermen en bewaren. TERe ben ick en onvolmaeckt V met ghenaden tot my naeckt, Dat ick in al mijn saken, Op u mach hopen wel ghemoet Iosua,1,5.En uwen Godtlijcken troost soet, Macht genieten en smaken, Hiertoe beveel ic in u hant Mijn ziel en lijf doet my bystant O ghy mijn Godt vercooren, Dit betrouwen in my ontsteckt, Vervult het geen dat my ontbreckt, Wilt doch mijn beed' verhooren.
Cookies on Poetry Cove