Het groote liede-boeck · Leenaert Clock

op de wyse: In een groot ongeluck ben ick ghebooren, ofte van de 10 Gheboden. STerckt doch lief Heere mijn betrouwen,Marc.9,23 Heel vast in u sonder beswijck,Mat.7,24. Dat ick mijn huys hier vast mach bouwenMat.7,26. Niet worden den sotten ghelijck.Philip.3,19 Ydel waert betrouwen in desen,Psal.55,23. Als het op aerdtsche dinghen stont,Prov.30,8 Daerom (o God) laet dat nu wesen In u, al uyt mijns herten gront. Niet mijn sorghen maer u goetheyden, Wt Vaderlijcker aert bereyt, Doen my die nootdruft hier bereyden, Naer u ghewoonte met bescheyt.Psalm 51,1. Toegheneycht wilt ghy oock vergheven,Philip.2,7. Mijn zonden uyt barmherticheyt,Ioan.1,14. Door uwen Soon Christum verheven,

Hebr.2,14, 5,2.Die mensch worde, soo was voorseyt. Ghy condt my Heere oock bevryden, Matt.6,13.Voor des vyants temtacy quaet, Want ghy verdruckt hem t'allen tyden, Luce,11,4.V goetheyt belooft ons die daet. Iob,1,7,2,2En ghy sult ons heerlijck beloonen, Iacob,4,7.In den Hemel met vreuchden groot, matt.25,21.En ons daer met ghenaden croonen, Psalm.5,13 21,4.Dats u belofte naeckt en bloot. Ist dat wy nu troulijck arbeyden, Matt.20,1.In uwen wijnbergh soo 'tbehoort, Mat.20,8.Soo sult ghy ons den loon bereyden, Esai.53,9.Dit is uwer Propheten woordt. 1.Petr.3,24Alle uws liefs kints Christi lyden, 1.Ioan.3,5.Ons t'samen dese vryheyt gheeft, Ephes.2,8.Daer in moghen wy ons verblyden, 1.Thes.4,18Psalm.42,3 119,76.Niet in ons wercken onbeleeft. Naer desen troost doet my verlanghen, O Heer sterckt my daer in altijt, Ioan.3,33.Om dit betrouwen te ontfanghen, Rom.3,4.In u ghy die waerachtich zijt. Psal.133,3.Soo ick dit Heere macht ghenieten Ick wilt geern aen nemen in danck, Met uwen douw wilt my begieten, Voort aen nu al mijn leven lanck. Matt.9,23.DOCH op my siet ick ben ellendich, Luce,17,5.Meert mijn gheloof, maeckt dat heel sterck, Ps.103,14.En zijt o Godt doch nu bystendich Psalm 79,9 115,1,138.5.My uwen schepsel en handtwerck TE Recht behoort u naer 'tbetamen, Den prijs alleen en oock die eer, Laet mijn bede doch worden, Amen, Amen, Amen, o lieve Heer.