Op de wyse: Tobias tot sterven ghenegen, etc. PLant doch hier in mijn herte binnen Waer deur ick jeuchdich mach beginnen, Heel vroet // ghemoet, my mach begheven Deuchtsaem te leven.
En dat ick u (lief Heer) leer vreesen2.Petr.1,7. Met eenen kindelijcken wesen, Voor u // als nu, wand len ghestadich Wijs en beradich. TERe ben ick dees' cleyne pose En was' nu op gheleyt een roose,1.Petr.1,14 Maer ras // alst gras, moet ick verdwynenEsai.40,6. Voor u verschynen. Prent in mijn hert u welbehaghen Dat ick u jock leer willich draghen,Mat.11,30. Mijn jeucht // in deucht, nu deur te bringen Voor alle dinghen. En leert my Heer, mijn Ouders eerenEphes.6,1. En tot ghehoorsaemheyt my keeren,Col.3,20. Altijt // met vlijt, nu even stille Nae uwen wille. Tot goetdoen laet my zijn gheneghen Daer toe gheeft my (Heer) uwen zeghen, Op dat // ick plat, het quaet mach myden Tot allen tyden. En eer die zond' in my crijcht crachte Gheeft my wijsheyt, dat ick my wachte, Voor haer // ghevaer, my doch mach hoeden Tot goet doen spoeden. Recht leert my (Heer) in goeder maten1.Iohan.2* Die weerelt kennen en verlaten Wat sy // toont vry, is schoon voor ooghen Maer al gheloghen. Sy die haer voeten by haer stellen Die loopen met haer totter hellen, Alwaer // sy daer // in het verderven Eeuwelijck sterven. Sy sullen met haer pyne lyden Die nu wat tijts met haer verblyden, Die hel // seer fel, salse verslinden Onloflijck binden.Mat.22.13.
O lief Heer leert my dit betrachten 1.Iohan.2.My voor des weerelts lust te wachten, V rijck // ghelijck, helpen vermeeren Tot uwer eeren. Op dat ick namaels oock mach comen By alle heylighen en vroomen, matt.13,43.En daer // oock claer, met haer mach blincken Wilt mijns ghedincken. 2.Esdr.2,7.Nae die croone nu opghehanghen Laet mijn jeuchdich ghemoet verlanghen, Te gaen, die baen, derwaerts te raken Laet my ghenaken. 4.Esdr.2,8.SCHOne cleyder gheeft ghy te loone En daer toe een heerlijcke croone Palmen // salmen, in die handt draghen Vry sonder claghen. Christe laet my dit oock ghenieten Met uwen dauw wilt my begieten, 'Tverstant // dat plant, in mijn hert Heere Tot uws naems eere. Kent mijn swackheyt en teere crachte Van u, ick mijn hulpe verwachte, V spoet // behoet, my vroech en spade Door u ghenade. DIE IONGE jeucht, o Heer der Heeren Leert my verslyten t'uwer eeren, Staet by // gheeft my, dit al te samen Lief Heere Amen.
Cookies on Poetry Cove