Op de wyse van den 91. Psalm: Die in Godes bewaringh sterck. GY Sijt voorwaer een goedich Godt,Psal.106,1. Ps.77,15.Wonderlijck groot van daden, Ia die my gaeft een seer goet Lot, Wt louterer ghenaden, En oversien mijn onghelijck, En my beroepen laten,Act.17,30. Tot uwen schoonen Hemelrijck, Comt my voortaen te baten. Sterckt, Heer, mijn hert en mijn ghemoet, rom.7,24.Ick die ben vol ellenden, joan.14,16.Den Trooster uwen Gheest met spoet, Wilt crachtich in my senden, En my oprechten Ioan.11,43.van den doot, En gheeft my daer beneven, 'Tghene dat my sal zijn met noot, Tot eenen nieuwen leven. En mijn leden maeckt doch bequaem,Rom.6,19. Van hoofde tot den voeten, Als nu leden aen het lichaem, In Christo hier zijn moeten,Ephes.4,15. Een claer en Goddelijck ghesicht,Ephes.1,18. En oock opene ooren,Mar.7,37. Dat ick mach worden gantsch verlicht Als een kint nieu ghebooren.
Matt.9,33.Lost, Heer, de tongh' in mynen mondt, Luc.11,14.Op datse mach belyden, En u goetdaden maken condt, Met daden t'alle tyden, Mar.7,33.Gheeft myner tonghen speycksel wis, Op 1.Petr.2,4.dat ick recht mach smaken. Hoe soet uwe Ioan.6,33.Hemelsch broot is My daer in te vermaken. Mat.5,6.Den rechten hongher my oock gheeft, joan.6,35.En dorst na u Fonteyne, Deut.8,3.Want de mensche doch niet en leeft, Matt.4,4.Van den broode alleyne, Eenen maegh die verteeren can, Wat hem hier comt te vooren Dat ick dat mach verdouwen dan, Naer het Godtlijck behooren. Marc.3,5.Iae Heer, maeckt oock mijn handen sterck Luce 6,9.Ghesont in myne daghen, Dat ick mach Matt.25.doen het Christen werck, Naer u goet welbehaghen, En wat ghy wilt hebben ghedaen, Dat wilt my openbaren Door uws liefs Kindts soete vermaen, En 'SHeylighen Gheests verclaren. Ioan.14,26En maeckt mijn voeten sterck en vast, Act.14,10.Op uwen padt te treden, Als ick dan ben so Matt.7,13.wel ghepast, Van boven tot beneden, En ghy my bewaert, Heer, ghesont, En my beraedt altyden, Soo sal ick u van Ps.144.2.herten gront, Lofsinghen met verblyden. Recht-gheloovighe int ghemeen, Wilt u met my versamen, Om onsen grooten Godt alleen, Te prysen naer 'tbetamen, Voor sijn ghenaed' en sijn goetheyt, Ephes.2,1.Die hy ons ded' bewysen, Van den doot ten leven bereyt, Ons heeft laten verrysen. Psal.91,1.In u bewaringh' ons nu hout, Ghy kent ons cleyn vermoghen Mijn herte Psal.123,1.vast in u betrout, Tot u hef ick mijn ooghen, My doch nemmermeer en verlaet,
Maer verhoort mijn clach-reden, En waerin mijn begheerte staet, As ick tot u sal beden. Christe, ghy Soon Godes divijn:Mat.16,16. Wilt myner doch ontfarmen, Als mijn tijdtMat.20,30. sal verloopen zijn, Dan neemt my in u armen,Act. 17. 26. En brenght my in uws Vaders Rijck,Esa.40,11. Ghy zijt mijn roem op aerden,Mat.25,34. Wat by my is onmoghelijckMat.19,26 Mach door u volbrocht werden. Kent dat ick Heer niet en vermach, Maer ghy vermeucht all' dinghen, Daerom sterckt my sonder verdrach Vwen wil te volbringhen, V stil houden, dat uwen Gheest Mach uytrichten de daden, En ick mach worden aldermeest Gantsch salich uyt ghenadenEphes.2,7. Soo wil ick nu mijn leven lanck, My stadich by u houwen, En segghen u, lof, eer en danck, En vast in u betrouwen, Het lichaem en de ziele mijn, Bevelen in uLuc.23,46. handen, En laet my, Heer, door gheen ghepijnPsal.31,6. Immermeer gaen te schanden.
Cookies on Poetry Cove