Op de wyse: Het was een fraey Ionck Borgers kint, etc. IEuchdelijck zijnde in ons' tijdt O Heer weest ons beradich,Eccles.17,1. En ghy ons' Godt en Schepper zijt,Actor.17,15. Ons op onthout ghestadich,
In den adem en 't leven, Dat ghy ons hebt gegeven Ia ons amich out // en onderhout Weldadich menichfout. Maeckt ons oock totter deucht bequaem Op dat wy onse leden, Tot uwen dienst seer aenghenaem, Nu recht mogen besteden, Dat uwen Naem mits desen Heer, mach worden gepresen, En wy bereyt // worden gheleyt, Tot uwer salicheyt. Iacob.1,5.EN gheeft ons wijsheyt en verstant Soo in ons' jonghe daghen, En leyt ons soo met uwer handt, In u goet welbehagen, Door u barmherticheyden Wilt ons hert soo bereyden, Dese aendacht // stort doch met cracht, In ons dach ende nacht. MAeckt ons bequaem, Heer boven dat En richt soo onse ganghen, Matth.7,13Op dat wy uwen smallen padt Mogen gaen met verlangen Door d'enghe-poorte dringen Soo uwen wil volbringhen, Tot uwen danck // ons leven lanck, Heer stiert soo onsen ganck. RIcht ons ghemoet, op dat wy claer Mat.13,44Den schat hier moghen vinden, Die soo diep leyt verborghen daer, Onbekent voor die blinden, Leert ons doch Luce,14,33.oprecht vaten D'eygen leven te haten, In onse jeucht // stiert soo tot deucht, Ons hert, want ghy't vermeucht. GEen ander dinck te soecken hier Dan 't Hemelrijck te winnen Door u genade goedertier Soo mogen wy't beginnen, 'Tvolbrenghen wilt ons gheven Goedighe Godt verheven,
Ons doch aensiet // verlaet ons niet V milde handt ons biedt. MEYNDERS en sullent nemen in Noch al die seggen, Heere Maer die hier doen na uwen zinMatt.7,20 Vwen wil, na u leere, 'Tvolbrenghen leert ons crachtich En maeckt ons daer toe machtich, Des weerelts lust, doch in ons blust Heer maeckt ons soo gherust. DOCH wilt ons oock bewaren wel Voor 'thoogmoedighe wesen, Daer in die weerelt loopt rebel Al die Godt niet en vresen, Sy zijn qualijck gevaren Die soo hoochmoedich waren Hier naer soo is // voor haer ghewis, 'Tloon, die verdoemenis. TERe zijn wy en jeuchdelijck Heer wilt ons doch behoeden, Op dat wy moghen deuchdelijck, Altijt tot goetdoen spoeden Gehoorsaem zijn en goedich2.Petr.1,5. Kindtlijck en seer ootmoedich, Van nu aen voort // soo dat behoort, Vreedsamich met accoort. Soo sluyten wy nu dit ghedicht En begeeren deur 'tsingen, O lieve Heere ons verlicht, Wilt ons te samen bringhen Dat wy namaels vergaren, By u heylighe scharen T'ontfangen schoon // tot eenen loon, Aldaer des levens croon.4.Esd.2,46
Cookies on Poetry Cove