Op de wyse: Ick clam op eenen boom, ofte: Mijn lieve kindt wilt horen, etc. Genes.17,1.ALmachtich Godt verheven Eccles.17,1.Ghy die mijn Schepper zijt Wilt my u gracy gheven, Op dat ick mynen tijt Mach deurbringhen na u goet welbehaghen. Matt.5,16.En my stichtlijck mach draghen V Heere houden stil.
Nu voortaen al mijn daghen, Na uwen heyl'ghen wil Met vresen en met beven mach deur bringen. Laet my dit Heere ghelinghen Door u barmherticheyt En maeckt voor alle dingen Mijn hiert hier toe bereyt, Om my te helpen weest doch Heere spoedichPsalm.70,2 Kent dat ick ben seer bloedich En gantsch niet en vermach Sonder u hulpe goedich Ick gheheel t'onder lach, Maer deur u hulpe mach ick overwinnen. Ey lieve Heer, uyt minnen Biedt my u milde hant, So mach ic 'twerck beginnenmatt.14,31. Dat het mach hebben stant Behoet my doch lief Heer voor quade winden.Ephes.4,14 Recht vast wilt my doch binden Met uwer liefden bandt, Och mocht ick die bevindenRom.8,35. Diep in mijn hert gheplant Wat vreuchde soud' my dat (lief Heere) wesen. Och leert my u recht vreesen,Eccles.1.* Kindtlijck soo dat behoort, Dat uwen naem gepresenMatt.5,16. Van my word' altijt voort Dat ick so uwen smallen padt mocht treden.Matt.7,14. Lief Heere dat ick mijn ledenRom.6,19. Gebruycken mach bereyt Met ootmoedigen zeden En met sachtmoedicheytEphes.4,2. Lanckmoedich zijn, en toorne laet versincken. Och leert my (Heer) bedincken Die over mijns doots voor al 'TverschrickenPsalm.39,5 en het crincken Dat namaels comen sal,Hebr.10,31. Hoe schricklijck 'tis te vallen in u handen.Hebr.10,31. Fel sal met vyer verbranden2.Petr.3,10 Al dat wy schouwen aen, Wie sal dan by u landen Waer met men sal bestaen Dat gheeft my Heere doch deur u ghenade. Soo Heer met u allen rade
Besluyt ick desen sanck En segh u vroech en spade, Lof, eer, prijs ende danck Wilt mijn bede en danckseggen verhooren.
Cookies on Poetry Cove