Op de wyse: Mijn alderliefste verheven, etc. GEen soeter dinck op erden Dan 'tjock Christi voorwaerMat.11,30. Wel haer die't vroech aenverden,Eccles.6,25. En Christum volgen naer 'Tvalt licht en niet te swaerIerem.6,16. Men cant seer wel ghedoghen Al schijnt het swaer voor ooghen, Soo't blijckt int openbaer. RIEt siet men van den winden Beweghen als verstoort Maer ruste is te vinden, Als men des Heeren woort Aenneemt soo dat behoort, En recht daer na sijn weghen Met ghemoede gheneghen, En Christlijcken accoort. 'Tjock Christi hooch verheven En is doch anders niet Dan hem Godt overgeven, Te doen dat hy gebiedt Wat is lichter aensiet Als liefde te ghewinnen Gherust int herte binnen, Sonder eenich verdriet.Genes.6,5. GENeghen is men even Van jonghs op tot het quaet Het onghemacklijck leven, van desen haest vergaet Als men met goet beraet Dit jock begint te draghen, Nae 'tGoddelijck behaghen. Neerstich nae 'tgoede staet Als men Godt doet beminnenMat.22,36 Met eenen goeden moet Al 'tgeen dat wy beginnen,Deut.6,5, ende 30,6. Valt lieflijck metter spoet
Die liefde sulckes doet 1.Cor,13,9.En verdraecht sonderlinghen, Groote en sware dinghen Het valt haer even soet. Bedenckt oock met verlanghen Matt.5,12.Den overgrooten loon Dennen men sal ontfanghen Namaels in 'sHemels Throon, Van Christo Godes Soon 'Tvermaken aen die ziele Die ruste in't ghehiele 4.Esdr.2,7.En tot des levens croon. Recht dient wel waer ghenomen Dit jock te trecken aen Op datmen metten vroomen, Die straffe mach ontgaen 2.Cor.6,14.Die't vreemt jock trecken saen Sijn arme martelaren, Haer werck salse beswaren Als sy voor d'oordeel staen. Als wy 'tjock Christi spoedich Mat.6,32.Dragen, dan wil oock hy Ons' versorger zijn goedich Staen met ghenaden by, 4.Reg.6,17Omlegeren ons vry Met sijn Engelsche scharen Dat sy ons wel bewaren, In wat noodt dat het zy. Hartlijck staet te bedincken 2.Cor.1,3.Des grooten twists voor al Dennen Godt nu gaet schincken, Alhier in't aertsche dal Synen lieven ghetal, Die 'tjock Christi begierich Nu draghen goedertierich Veel troosts haer beuren sal. Psal.94,10.Alsoo ons pijnlijck lyden Overcomt in dees' tijdt Soo gaet ons Godt verblyden, Met synen troost subijt Veel meerder ist jolijt, Door synen troost in herte Dan alle droefheyts smerte Hy zy ghebenedijdt. Met lust laet ons aentrecken Dit soete jock ghepast
En trouw sonder verschrecken, Dragen den lichten last Eer wy worden verrast,Mat.11,29 'Tmoet zijn in dese daghen Sullen wy Godt behaghen, En staen int hoopen vast. Seer ootmoedich wy beden Verhoort ons doch o Heer Sendt u wijsheyt beneden In ons, dat wy ons leer, Dit jock na u begeer Draghen sonder vermyden Soo voort gaen alle tyden, Alleen tot uws naems eer.
Cookies on Poetry Cove