Op de wyse van den 119. Psalm: Ghelucksalich is de Mensche, etc. Van der Christenen namen, En haren beroep en betamen.
Ioan.1.VWe namen Christlijck wel overdinckt, 2.Cor,6.Vrienden, want ghy zijt kinder Gods geheeten Galat.3.Door Gods liefde, die t'uwaerts is ontfinckt, Die voor ons synen Soon gaf, soo wy weten, Die onse schuldt en zonden heeft betaelt, En d'eeuwich leven ons nu toe gaet meten. VRIENDEN wy moeten hem oock onghefaelt matt.22,36.Lief hebben, van gantscher herten beminnen Wt natuyren soo die Schriftuyr verhaelt, Luce,9.En uytdrucken met daedt en wercken goet, Dat synen gheest ons nu regeert van binnen. Ephes 5.INt licht moeten wy wandelen met spoet 1.Thess.5.Want kinderen des lichts namen wy draghen,
Godt laet nu schynen claer in ons ghemoetIoan.1. Den claren schijn naer sijn Godlijc behaghen, 'Tlicht moet nu heerlijck lichten over al, Dat Godt ghepresen word' in onse daghen. PRysen moeten wy hem int aerdtsche dal, Afleggende alle duystere wercken,Ephes.4,25 Int licht sijns Woordts nu op den wegh seer smal1.Ioan.1. Wandelen soo dat elck een dat mach mercken Sonder aenstoot onder 'tverkeert gheslacht, Soo sullen wy lichten in 'sHemels percken. Voorts hebben wy den name, dit betracht Dat wy zijn schapen Christi syner weyden,Ioan.10. Want hy heeft ons verlost van 'svyants macht Hy wil sijn schapen selve te recht leyden,Ezec.34,13. Van den valschen herders maeckt hy ons vry Die weyd' en ruste gaet hy ons bereyden. Ydel om ons waer nu ghesonden hy, Ten waer dat wy ons van hem lieten vinden En als hy roept, en sijn stem comt ons by,Ioan.10. Soo moeten wy, gehoorsaem zijn als vrinden En als hy roept, en sijn stem comt ons by, Moeten wy volghen, ons met hem verbinden.
Pause.
Zijn wy niet Tempelen Gods, soo daer staet1.Cor.6. Ghenaemt, daer Godt met synen gheest wil woonen? Daer om en moet gruwel noch quade daedt In ons met wille, noch wercken vertoonen, 'Tsoude ons voor hem maken onbehaeght, Wie synen Tempel schendt, sal qualijc loonen.1.Cor.3,17. En daerom denct (vrienden) en sorge draeght Dat wy het vat houden suyver en reyne1.Thes.4,4. D'welck hy met synen bloede heeft ghevaecht Dat hy daer in nu rusten mach alleyne, Op dat wy naemaels in des Hemels Tent, Met Godt oock mogen rusten int ghemeyne.
Rom.12.ISt dat wy nu genoemt zijn leden jent, 1.Cor.12.Van Christo Iesu, dit maect ons aendachtich Ephes.5.Die ghemeynschap nu met Christo bekent, Die maect ons hier alle sijns goets deelachtich Want hy sijn gantsche lichaem salich maeckt Als 'tnatuyrlijc hooft sijn leden maect machtich DIT leven moeten wy uytdrucken naeckt Toonen die aert van Iesu Christo goedich, Volgen den hoofde, gaen voor recht geraeckt, Ephes.1,23.Behulpsamich nu allen leden spoedich, Daer mede ons houden te samen vast, Om namaels den Heere te volghen moedich. 2.Cor.3,3.GESCHREVEN als een brief Christi ghepast, Met Gods Gheest int hert, dit is uwen name 'Tnieuw Testament en 'sHeeren lichten last, Gods wille en beloften seer bequame, Wegghedruckt als eenen gheschreven brief, Laet dit nu blijcken met daden eersame. SINGHT, spreect, en doet in alle u gerief Dat het van den Mensche worde ghelesen, Bewijst met wercken dat ghy Godt hebt lief, Reyn, ongeschuyrt, behoedtsaem, met Gods vresen, Apo.20,12Desen brief doch in waerdicheyt bewaert, 'Twordt openbaer als ghy sult zijn verresen.
Pause.
Genes.47.MET AENDACHT weet, uwen naem wordt verclaert, Psalm.11,9Dat ghy zijt gasten ende vreemdelinghen, 1.Petr.2.Het Vaderlandt in den Hemel vermaert, 2.Cor.3.Daer na wilt al u reyse doch volbringhen, Egypten dees blinde Weerelt verlaet, Tracht na het Hemels toch voor alle dingen. Luce,17,32.EN niet te rugg' en siet, noch af en staet, Al 'tsichtbaer hier dat moet men nu verlaten
Denckt altijdt om die rust hoe dat het gaet, Daer boven by den Heer in goeder maten, By die Engelen daer in synen Throon, Och mocht ghy dese vrucht te recht nu vaten. WILT HET oock recht en wel bedincken schoon,matt.12,49 Moeders, broeders, susters gaet men u noemenMarc.3,34 Van Christo Iesu, verstaet desen toon,Luce,8,21. Maeckt hy ons nu des weerdich met den vromen Dat beeldt ons voor, die gheboorte uyt Godt Door synen Gheest wy tot desen stant comen. BELEVEN moeten wy naer het gebodt Dees broederschap, so Christus met ons dede Verkiesen dit voor 'talderbeste lot, Lieflijck, verghevende, troostlijck in vrede, Die heylighen, en die Enghelsche schaer,Apoc.6,11. Bestaen met ons in dees broederschap mede.Apoc.19,10 GODS Tempel op te bouwen openbaer Heet ghy levende steenen wel besneden1.Petr.2,4. Ghetimmert op Iesum Christum voorwaerEphes.2,19. Het recht en vaste fundament met reden, Dit leert ons waer op dat wy sullen staen, In aenvechtingh en swaermoet hier beneden. DIE MACHTICH zijn voeghlijck en wel ghedaen, 'Tsamen geleyt des Naesten last te draghen,Galat.6,2. Naer haerder macht elckanderen by te staen Alleen naer het Goddelijcke behaghen, Die van de zonden, Doodt, verresen zijn, Vrienden bedenckt den naem na dit gewagen.
Pause.
ISt niet dat ghy Coninck en Priesters fijn1.Petr.2. En zijt genaemt, 'tis deur den Heer der heerenApoc.1,5. Want die overste Priester gantsch devijn, V heeft ghecocht, jae ghesalft nae't begeeren,
Ioan.2,27.Dees salving' moet by ons blyven niet slecht So vromen ons des Naems daden met eeren. Rom.12,2.V TE bereyden tot den offer recht, Begheeft u lichaem t'samen met den leden Goetwillich als een ghehoorsamich knecht, Laet ons den Priesterlijcken dienst betreden Recht vyerentlijck inwendich nae den gheest Volghen daer in nu Christi Iesu zeden. Matt.9,14.VERSTERCKEN wilt u gemoet aldermeest, Marc.2,18Nu dat ghy heet Bruylofts kinder vercooren, Luce,5,32.Om dat ghy zijt beroepen tot het feest, Des Lams bruyloft, lang vercondicht te vooren matt.22,11.Verciert u doch, dewijl ghy hebt respijt Met het schoon Bruylofts cleydt nae het behooren. 1.Petr.3,4.WILt den verborgenen mensche met vlijt Inwendich int herte binnen vercieren, Brenght voort in alle steden waer ghy zijt, Recht zedighe en Christ'lijcke manieren, Galat.3,21.Treckt Christum aen, op dat hy word' vertoont, En wilt die Feest alsoo gheestelijck vyeren. Ephes.2,18.DAT ghy met borgers Godes ongehoont, Nu zijt, en desen naem draeght in dit leven, Om dat Godt sijn Kindt niet en heeft verschoont, Maer ons deur hem dees borgerschap ghegeven, Soo moeten wy, sijn Borger-recht alleyn, Onderhouden, en geen ander aencleven. DEVR desen standt wordt ons kenlijck certeyn, Hoe vreedsaem dat die Borgers leven moeten, In dese stadt eendrachtich groot en cleyn, Galat.5,15.Niet twisten, byten, knagen nochte wroeten
En moet men in dees Gheestelijcke Stadt, Maer daer in gaen met vredelijcken voeten.
Pause.
SINEN GEEST die ons nu bereyde dat, Noemt u sijn Bruyt, hy wil ons ziele trouwen2.Cor.11. Die gantsch armelijck end' ellendich sat,Ephes.5. Betaelt ons schult, en helpt ons uyt benouwenApoc.19,8. Dit doet sijn groote liefde ons ontdeckt, Soo men in al sijn daden mach aenschouwen. IN V WERCKEN can hy geheel perfeckt,1.Cor.12,6. Wat u ontbreeckt t'syner eeren met namen Bemint hem nu met liefden onverschreckt, En hanght hem aen van herten al te samen, Beleeft daedtlijck u namen onbevleckt, Gods ghenade com ons te helpen, Amen.
Cookies on Poetry Cove