Op de wijse: Met droefheyt moet ick claghen, Force is my gheschiet. AL staen wy nu als bloemenPsal.90,5. En bloeyen op het velt, Een ander tijt salEsai.40,6 comen, Dat wy worden verstelt,Syr.14.10. Want alle vleesch vermelt, Vergaet ghelijck het gras, Vrienden 'tzy u vertelt, T'comt menighen t'onpas. Recht als den windt door't wayenSyr.41,1. Die bloem verderft subijt, So sal al ons verfrayen,Iac.1,10. Vergaen in corten tijt, Niemandt en crijght respijt, Alst Godt den Heere behaeght, Die doot behoudt den strijt, T'herte sy ons doorknaeght. Ieuchd', ghesontheyt end' tleven,Eccl.34,20. Comt ons van Godt den Heer, Hy heeft het ons ghegeven, Te bruycken t'suyner eer, Naer sijn heylsame Leer, Wil hy hebben ghedaen, Oft men sal nemmermeer, Voor hem moghen bestaen. AEN 'tghen' dat wy bevinden Mogen wy mercken fier, Waer zijn ons lieve vrienden, Die voor ons leefden hier, Van wormen gh'eten schier, Al in het aertscheEccle.10,13 dal, T'is die oude manierEccl.8,8. Wy moeten sterven al.2.joan.2,17.
GENoecht' en s'werelts wesen Seer haestelijck vergaet, Die lust hebben in desen, Sal niet comen te baet, Als haer kranckheyt aenstaet, En men hier scheyden moet, Valt het dickwils te laet, Te doen oprechte boet. By dit en salt niet blyven Rom.14,11.Dat wy gestorven zijn, Wy moeten met den Mat.25,31lyven, Comen voor Godts aenschijn, 2.Cor.5,15.Op op dennen termijn, Een recht oordeel t'ontfaen, Dan moetens' in de pijn Die 't quaet hier deden saen. Rom.8,13.Al die naer 't vleesch beseven Nu leven, sterven dan, Een quade doot met beven, Niemant en comt daer van, Dus elck een nu hy can, Neem synen tijt wel Matt.3,12waer, Die Tarw blijft in den Wan, Het kaf verstuyft te gaer. 1.Cor.15.34Recht wilt doch nu opwaken, Matt.22,5Het gelt u ziel en lijf, En wilt geen onschult maken, Om 'twereltsche bedrijf, Maer hoort Christus motijf, En sijn Voorbeelt aenschout, Wie dat nu naevolght stijf Matt.7,24Sal hebben vast ghebout. 1.Pet.3,11TE Laten nu het quade Dat heeft hy ons geleert, En worden vroech Matt.18,3.en spade, Al gheheele verneert, Dats 'tghen' dat hy begeert, En ons te vooren leyt, O jeuchdich hert u keert, Tot der ootmoedicheyt. Matt.11,29MEt Maria wilt treden Luc.7,38.Tot Christi voeten daer, Sy weende seer beneden, Wiesch die met tranen claer: Den drooghdoeck was haer hayr, En heeftse doe ghecust, En die ghesalft, daer naer Nam sy daer op haer rust.
Van Christo deed' sy hooren: Mijn Dochter zijt ghetroost, Ghy hebt my uytvercoren, En ick heb u verloost: Gaet in vreden altoost, V zond' vergeven is, Vergheet u swaer propoost Ghy zijt ghesont ghewis. Soo sal hy oock ontfanghen V, zijt ghy so bedacht, Want hy heeft groot verlanghen, Naer 't Menschelijck gheslacht: Dit doch voor al betracht, En dees Werelt begheeft, Seght haer doch goeden nacht, Nae Godes wille leeft.
Cookies on Poetry Cove