op de wyse: Broeders en Susters en vreest doch niet. MY doch bystaet, o lieve Heer Ghy weet ick ben u schepsel teer,Act.17,25. En u handtwerck, Draegh sorgh voor my,1.Pet.5,7. dats mijn begeer, En maeckt my sterck. Alsoo ghy my het leven fijn, Hebt ghegheven op dit termijn, En my bereyt, So wilt oock mijn behoeder zijn,Psa.121,7. Door u goetheyt.Psalm.17,8 En bewaert my onder u handt, Soo langh ick leef int aerdtsche landt En gheeft doch my, O lieve Heer, een recht verstandt Met moede vry. Ilende soo na Schrifts vermaen Om in u vreese voort te gaen,Prov.2,7. En uwen wil, In mijn herte recht te verstaen, Sonder gheschil. Kent dat ick ben dickmaels bevreest, Sendt my doch uwen goeden Gheest,Ioan.15,25 Die my bewaer, En my versterck in dit tempeest, O lieve Vaer. En laet my doch beswaren niet Door Satans list die nu gheschiet,Matt.6,13. Seer menichfout, Met uwer macht, die ghy aenbiet,Luce,11,8. My onderhout. Nimmermeer Heer my en verlaet, Maer verlost my van alle quaetPsal.62,12. Weest ghy mijn cracht, Ghy kent doch mynen swacken staet, Mijn cleyne macht. Christi Iesu Gods Sone goet,matt.16,16. Om my te helpen u doch spoet,mat.15,25. Toeft niet te langh, En gheeft my eenen goeden moet, Als my is bangh. Loven sal ick u dan subijt, Als ghy lief Heer my bevrijt, Aen ziel en lijf
1.Cor.15,57En gheeft victory in den strijt, In mijn bedrijf. Ps.103,21.Alle crachten in my ghemeyn Sullen u loven groot en cleyn, Mijn leven lanck, En u gheven den prijs alleyn, Met grooten danck. Psal.56,4.En daer op wil ick hopen vast Dat ghy sult draghen mynen last, Mar.9,24.My helpen voort, Tot mijn geloove groeyt en wast Alsoo't behoort. Psal.31,6.Staet by, lief Heer, ick nu beviel, Mynen Gheest, 'tlichaem en mijn ziel, In u behoet, Mijn leven, sterven al ghehiel Stiert doch int goet.
Cookies on Poetry Cove