Nae de wyse: Nachtegael cleyn Vogelken, Woudt ghy my een Liedt singhen. ALs ick in mijn ghepeynsen lach, Apoc. 21,2. En docht om Gods Bruydt uytvercooren Hoe sy my te verheughen plach Als ick haer stem mocht hooren, Soo gheef ick haer dit Liedt te vooren. En bid van Godt dat hyse doch Coloss.3,11.Door sijnen Geeste wil verstercken, Dat sy des vyandts valsch bedroch Te recht moghen bemercken, En wachten haer voor sijne wercken. Recht so des Heeren woordt vermeldt, Leven in dese boose tyden, Mat.19,27.En volghen Christum als een heldt, En wijcken niet bezyden, So sullen sy eeuwich verblyden. Matth.24.Tis nu voorwaer de boose tijdt Luc.19,44.Daer van ons Christus ginck ghewagen, Marc.13,3.Dat elck wel mach met grooten vlijt, Opwaken in dees daghen, De vyandt leyt veel loose laghen. Mat.7,14.Gaet doch recht op de smalle baen,
En wilt tot geener zyden wijcken, En seght tot haer die stille staen,Gen.19,26. Gaet voort, wilt niet omkijcken, Tot den vermoeden desghelijcken. En wilt doch op gheen menschen sien, Hoe heylich dat sy oock ghebeeren, Dat Godt verbiedt, daer voor wilt vlien, Tzijn wercken ofte leeren, En houdt u strack aen't woort des Heeren. Neemt een exempel op dit pas, Aen den man Gods, van Godt ghesonden,1.Reg.13,1. Die tot Bethel ghecomen was Om Gods woordt te verconden, Merckt, een Leeu sloech hem dootwonden. Ghedenckt dat Petrus heeft gheseyt, Dees Leeuw en is noch niet ghestorven1.Pet.5,8. Hy gaet rondtsom de Christenheyt, Nu hy tijdt heeft verworven, En heeft so menighen bedorven. Op hem hebt acht, houdt goede wacht, Wederstaet hem vast met betrouwen Int gheloove, voor Godes cracht,Iac.4,7. Meucht ghy het velt behouwen So sult ghy Gods aenschijn aenschouwen. Seer neerstich zijt doch aldermeest,Eph.6,18. Om Godt te bidden hier beneven, Dat hy u synen heylighen Gheest Tot eenen troost wil gheven, Dat ghy van hem soo wordt ghedreven. En laet u lichten, lichten claer,Mat.5,16. Voor alle menschen hier te vooren,1.Petr.2,12. Thoont de natuyr van uwen Vaer, Daer van ghy zijt gheboren,Ioan.1,13. Soo sult ghy zijn, sijn uytvercoren.Matth.2,3. Neemt doch van my dit cleyn ghedicht, Wt reynder liefden u ghegheven,
Op dat ghy malcanderen sticht, Soo aen Gods woordt mocht cleven,
Op dat ghy hebt het eeuwich leven. Zijt doch van my, Godt onsen Heer Bevolen, vrienden al te samen, Ioan.14,34.Hebt lief malcandren met begeer, Voert niet de bloote Namen, Godt gheef u sijn ghenade, Amen.
Cookies on Poetry Cove