Op de wyse: O Syon uytghelesen. SPruyten van teere leden, Prov.2,1.Ieuchdelijck int saysoen, Ontfanght doch Prov.3,3.dese reden, In uwe herten coen, Dat ick temael // alhier verhael Wt ons liefs Heeren woordt, Dat ghy willich meucht treden, Ioan.3,5.Naer de nieuwe gheboort. WANdelen naer 'tbehooren, Matt.7,14.Op Christus smallen padt, En meucht Apoc.21,1.vreuchde oorbooren, Al in de rijcke stadt, Matth.13.43.En soo hier naer // verschynen claer, Apoc.2,10.By Godt, in 'sHemels Throon, 4.Es.2,45.En met Gods uytvercooren, Gen.2,7.Ontfanghen 'slevens Croon. KENt hem, die u gaf 'tleven, Sap.2,23.En waerom dat ghy zijt, Gheschapen en verheven, Van Godt ghebenedijdt? Sap.7,4.En met der spoet // zijt opghevoet, Hierom doch sorge draeght, Wilt u daer toe begeven, Op dat ghy Godt behaeght. Prov.1,7.IAecht naer den Heer te vresen, matt.19,23.Van uwer jonckheyt aen, Laet uwen leydtsman Deut.31,6.wesen, Sijn woordt en sijn vermaen, Hebt gheen gheneucht // in 'sweerelts vreucht, 1.Ioan.2,16.Wordt niet daer deur verleyt, Want sy keert haest naer desen, Psal.90,5.In grooter truyricheyt. NIEt volght ydele dinghen, Eccles.1,2.Daer doch niet in en is, Maer wilt u tijdt Acto.17,26.deurbringhen, Om 'tgen' dat blijft ghewis, 1.Cor.6,19.Het moy lichaem // is niet bequaem, Daer Gods Gheest niet in woont,
Voor hem geldt oock gheen singhen, Dat ydelheyt vertoont.Esaie.8,15. Kleyder om 'tvleesch te pronckenLuc.16,15. En hier te zijn gheacht, Dat zijn al duyster voncken,Matt.6,23. Idel voor Godt ghedacht, Daer en is niet // dat hy aensiet, Dan dat hy straffen sal, Wie daer in is versoncken, Comt in groot ongheval. En wilt niet anders soecken,Matt.6,33. Dan eerst Gods schoone Rijc, Als Christus heeft gesproken, So crijcht ghy al ghelijck, Wat u dan bloot // sal zijn van noot, Daerom Gods wille doet, Wilt u daer inApoc.19,7. vercloecken, Bereyt u met der spoet.Exod.20. EN DES Heeren gheboden,Eccl.12,13. Bewaert tot aller stondt, Bemint boven all' goden,Deut.6,5. Hem uyt uws herten grondt,Deut.13,3. Synen Naem dicht // ghebruyckt niet licht,Syr.23,9. Houdt oock van zonden vier,Hebr.10,4. En wilt des vleeschs lust doodenColloss.3,5. Houdt dat in goet bestier. 'Tis oock den wil des HeerenExod.20,12 Dat ghy voor al doen sult, Vader en Moeder eeren,Mat.15,4. Betalen uwe schult:Ephes.6,2. Vergelden haer // dat sy voorwaer,Tob.4,3. Voor u leden met pijn, V soo voor haer verneeren, En haer ghehoorsaem zijn. Recht moet ghy oock bevroeden,1.Petr.3,10 Dat ghy u tongh bewaert, Voor achterclapIac.1,26. u hoeden, En niemant en beswaert,1.Petr.2,2. Oncuysheyt cleyn // en groot ghemeyn,Tob.4,9. Alle tijdt wederstaet, Naer reynicheyt wilt spoeden, Bruyckt hier in rechte maet. Iae laet u niet behaghen,Exo.20,17 Dat ghy begeeren soudt, In uwe jongheRom.7,7. daghen, Een anders geldt noch goudt,
Noch boven dit // wat hy besit, Maer u ghenoegen laet, En wilt u vromelijc dragen, Het is een schoon cieraet. Hebr.12,24.Naer vrede wilt oock haken, En wat dennen verstoort, Dat zijn al quade saken, Prov.15.*En gaet daer in niet voort, Spreeckt yemant vry // soo antwoort ghy, Sachte woorden perfeckt, Die hier niet in en waken, Worden naemaels begeckt. KEert alle dinck int goede, Iac.4,10.Versoent elckanderen doch, Ootmoedich elck Ioan.1,47.hem spoede, Te zijn sonder bedroch, Die heeft verstant // biede de handt, Ephes.4,13.Hem die wat minder heeft, Int goet doen wordt niet moede, Soo langhe als ghy leeft. Esai.9,4DIE dit jock nu gheern draghen, Van joncheyt aen met lust, Tot in haer oude daghen, Matt.25,4Die sullen wel gherust, Als Maeghden wijs // hebben den prijs, Met Christo binnen gaen, En daer, nae Apoc.2,10.Gods behagen, Des levens Croon ontfaen. Rycklijck daer triumpheren, Apo.5,9Singhen in 'sHemels Throon, En draghen Eze.16,11.Godt ter eeren Den gouden halsbandt schoon: matt.26,28Lief kinder dinckt // hoe men daer drinckt, Den soeten nieuwen wijn, Naer des herten begeeren, Licht als der Sonnen schijn. Acto.20,32Sijt nu van my met namen, Bevolen alle dry, Den Heere, naer 'tbetamen Marc.7,14.Synen Gheest stae u by, En leyd' u voort // door d'enghe poort, Dat ghy naer desen tijdt, Meucht soo alle te samen, Eeuwelijck zijn verblijdt.
Cookies on Poetry Cove