Op de wyse: Ghenaed' en vred' van onsen Heer. Ephes.5.10.*Singht doch met my desen Lofsanck, Ephes.1,3.Laet ons het lof volbringhen, En seggen onsen 1.Petr.1,3.Vader danc, Den Schepper aller dinghen. Tot lof en prijs van uwen Naem, Zijn wy versaemt, o Heere, Wy bidden u, maeckt ons bequaem, Om te soecken u eere. Ps.147,7.Elck een neem nu sijn snaren spel, Om onsen Godt te prysen, So Paulus seyt, Ephes.3,19.verstaet het wel, Laet u ghebedt oprysen. Phil.3,1.*In Godt laet ons nu zijn verblijt Ephes.5,16.Och vriendekens ghepresen, Die ons in dese quade tijt, Ghenade heeft bewesen. Neemt waer den tijdt, 'twordt u gheseyt 2.Cor.6,1.'Tis een tijt van ghenaden, Die ons de Heere heeft bereyt, Om ons van zond' ontladen. matt.11,28.Tot hem loopt nu alsoo ghewis,
En wilt doch van hem leeren, Ootmoedich hy van herten is Hy ginc hem seer verneeren. In sijn voetstappen laet ons gaen,1.Petr.2,21 Alle hoovaerdy verlaten, Want als wy voor Gods oordeel staen So machse ons niet baten. Ick hoop ghy sult het recht verstaen, Hoe dat alle bederven, In hoovaert heeftTobie.4,10 gheheven aen, Gods Rijck sy niet beerven.Esaie.49,6. Sy sullen vergaen als het graes, Die hier nu heerlijck schynen, Het vleesch dat wordt derPsal.9,6. wormen aes Het moet als roock verdwynen.Iac.1,10. Die haer vercieren in hooghmoet, Ten zijn gheen rechte Christen, Hier om en laetActo.20,28 ons Christi bloet, Door quaetdoen niet verquisten. Ons wandelingh sal Hemels zijn Van daer wy oock verwachten, Den HeerePhil.2,21. van den Hemel fijn Dit laet ons wel betrachten.1.Cor.15,51 Cort is de tijdt die men hier leeft,Iac.1,10. En sal niet eeuwich duyren, Maer die denSap.5,1. Heere vast aencleeft Sal eeuwich staen in fleuren. Het is nu al stuckwerck voorwaer,1.Cor.13,9. 'Tgeen dat wy hier hantieren, Het volcomen dat volght hier naer Daer na wilt labourieren. 'Tis al verganckelijck wat men siet, Voor oogen hier op aerden, Verhanght u herten2.Petr.3,10 daer aen niet, Wilt Hemels ghesint werden. Een yeghelijck maeck hem bereyt,Colloss.3,2. Dat hy mach openbaren, Als Godt comt in1.Petr.3,15. gherechticheyt, Met der Hemelscher scharen.Matth.25. Reyn moeten wy verschynen claer1.Petr.1,15. En heylich al te samen, Heer wilt ons doch geleyden daer, Door Iesum Christum, Amen.
Cookies on Poetry Cove