Op de wyse: Die reyn liefde vyerich: ofte, Venus Ghy Goddinne. Marc 9,33STerckt Heere mijn betrouwen, Luce,8,27.Hebt doch op my acht Wilt my doch aenschouwen Sterckt my deur u cracht Want al mijn vermoghen, 1.Cor.3,5.En is sonder u gantsch niet, Wilt my hulp toe voeghen Want ick ben swack als een riet. Ach die my beswaren matt.12,29.Zijn sterck, onsichtbaer, Schalck en wel ervaren, Over menich jaer, 1.Petr.5,19.Stadich sy bestryden Om my gaende nacht en dach, Weest aen mijnder zyden Dat ick overwinnen mach. Rust en is te vinden, Ephes.4,14In dit leven Heer, Want veel quade winden Mat.8,24.Waeyen even seer, Soud' u hulp uyt blyven Soo moesten wy t'onder gaen Maer deur u verstyven, Moghen wy seer vast bestaen. Alsoo wy onmachtich Totten goeden zijn Soo zijn wy, 'tis clachtich,
Ten quaden met schijn,Genes.6,5. Van der jeucht ghenegen, Heel vervult met onverstant,Ephes.4,18 Heer, laet u beweghen, Biedt my doch u milde handt. Recht nu wy beginnen, Aen te verden 'twerc, Wilt ons om verwinnen, Crachtich maken sterck, Door uwen geest goedich, 'Tis u hant die't wercken moet, Helpt my Heere spoedich,Psalm.7,5. En neemt my in u behoet. Vwe goetheyt stadich,matt.18,19. Leert betrachten my, Wijs en wel beradich Daer op bouwen vry,Nahum,1,17. Want sy is oneyndich, Tegen het menschlijc geslacht, Heer, leert my bestendich, Daer op bouwen dach en nacht. Tot uwen ontfermen,Psalm 33,5. Laet my zijn gekeert Dat ghy wilt erbermen Elcken die't begeert, Het blijckt t'allen tyden, Dat ghy Heere zijt bereyt,Sap.12,22. Wilt mijn hert verblyden, Met uwer barmherticheyt. Ghy doet ons beminnen,Iohan.3,36. Met wercken en daet Leert my dit versinnenRom.5,8. Dat ment mercken gaet,1.Ioh.4,9. Ghy die ons ginckt schincken, In der noot u lieve kindt, Leert my Heer ghedincken Dat ghy my nu noch bemint. En Heer uwer waerheyt, My betrouwen laet, Dat sy vast in claerheyt Eeuwelijc bestaet Dat ghy Heer wilt wesen Onsen hulper over al, Alsmen u tot desenPsal.119,6,7. Vierentlijck aen roepen sal.Psal.50,15. Recht leert my betrachten, Vwe wijsheyt groot Met betrouwen achtenPsal.15,23. Dat ghy onsen noot,matth.6,33Luce,12,31.
1.Petr.5,7.Wijslijck sult voor comen, En die sorge voor ons draecht, Neerstich t'mijnder vroomen, Dat ick niet en word' versaecht. Sterck is u handt dadich Dese te verslaen, Die my onghenadich Nu bestryden gaen, Heer in al des saken Marc 9,23In my het mistrouwen blust, Matt.8,25.'Tsal mijn ziel vermaken En mijn hert in u gherust.
Cookies on Poetry Cove