Op de wyse: van den 42. Psalm. Als een hert ghejaecht o Heere, etc. PRysen moet ick u goetheyden O ghy mijn Godt en mijn Heer, Waer met sal ick u lof verbeyden, Vwer liefden immermeer Ghy die ons hebt seer bemintIoha.3,16 Gheschoncken u lieve kint,Rom.5,8. T'onsen versoener hier op erden1.Ioh.4,9. Dat wy u kinder souden werden. Hy is doen voor ons ghestorven En van den doodt op verweckt, En heeft sooMatt.27.* voor ons verworven, 'Tgene dat ons maect perfeckt Vwen goeden heyligen Gheest Die d'uwe verzegelt meest,Ephes.1,13. Verlicht vollich in goeder maten
Die hem nu deur't g'love vaten. Iae desen Gheest sterck en crachtich Rom.8,16.Die ghetuycht nu even fijn, Met onsen geest (levenachtich Dat wy Gods lief kinder zijn, Hoe costlijck is dennen stant, Ephes.1,13.Daer men desen onderpant Int hert verzegelt vindt beschreven De mensch mach wel met vreuchden leven. Leyt dit niet int herte binnen Bevintmen dit niet gewis, Rom.8,9.Soo mach de mensch wel verzinnen, Dat hy niet u kindt en is, Wat periculoosen staet Ist die hem soo vinden laet, Daerom leert my nu sorghe draghen My schicken na u welbehagen. Ick en wil rusten noch vieren Tot dat ick bevinde vry, Dadelijc in al manieren Dat ick in u gunste zy, Rom.5,5.V liefde in my ontsteckt Vevult dat my noch ghebreckt, Te zijn u lieve kindt vercooren, Iohan.3,3.Wt u, van boven nieuw ghebooren. Proeven wil ick nu mijn herte Of uwen Gheest in my woont, Psal.51,12.Want 'tis al ten grooten smerte Daer hem dit niet en vertoont, Laet hem niet wijcken voor my Maer my stadich blyven by Mijn Godt, ic wil des' saeck bedincken Hier toe wilt my u gracy schincken. Sijn comste en sijn vertrecken T'mywaerts leert my recht verstaen, Om dat ick my mach verschrecken Luce,11,18.Als hy van my is ghegaen, Daerom bidden nacht en dach Dat hy weder comen mach, En als hy hem tot my gaet keeren Dat ick hem mach met wercken eeren.
My leert bidden ende wakenmat.26,40. Op sijn comste over al, Want heel onwis zijn die saken Wanneer dat hy comen sal, Oft vertrecken wederom Geeft my des' noodige som Heel neerstelijck te ondersoeckenmatt.25,1. My te bereyden metten cloecken. Ick wil mijn herte deurgronden Of ick vind' doodtlijcke schult, En afstaen van mynen zonden Geerne draghen met ghedult 'Trecht berouMatth.3,8. en 'therten leyt Met grooter ghenegentheyt,Luce,3,8. Die zond' niet alleen te verlaten, Maer verbeteren t'mijnder baten. Noch sal ick die zonde myden Om dat ghy Godt zijt ghecocht, En die niet en kondt gelyden Niet gelijck eenIudith 5,23 dienstbaer knecht, Die hem voor die slaghen vreest Maer den kindelijcken Gheest, Laets' dit (o Heer) in my wercken, Becrachtighen, en my verstercken. Nu laet my voor alle dinghen Veerdich zijn in mijn ghemoet, V ghebodenTit.2,14. te volbringen Deuchdelijc, snel, metter spoet,2.petr.1,5. Leert my bidden soo't behoort En lofsinghen met accoort, My oeffenen in uwe saken V aenhangen in u vermaken. En laet my niet zijn cleynmoedich Als ghy my des' gaef ontreckt, Maer leert my dan soecken spoedich V stercke hulp onverschreckt Bidden, en u roepen aen Tot dat ickse heb ontfaen En ydelen troost gantsch versake, En my in uwen troost vermake. Nu wy hier dan niet en blyven Stadelijck in eenen graet
Soo wilt, Heere, my verstyven Dat ick doch niet desperaet En worde maer wel getroost In u mach zijn alletoost, Dat bid ick u mijn Godt vercooren Wilt doch mijn claegh en beed' verhooren.
Cookies on Poetry Cove