Op de wyse, van den 74. Psalm. Hoe comt dat ghy ons verstroyt, etc. 3.Reg.2,4.MAeckt my bequaem (o Heer) deur u genae Ephes.6,5.In u waerheyt te wandelen ghestadich, Ephes.6,11.In eenvoudicheyt des herten beradich, Dat ick in den aenstoot seker bestae. Matth.5,4En leert my doch dat ic mijn zonden quaet, Mach bedencken (Heer) met grooten mishagen Met truyricheyt achten tot genen daghen, Dat al mijn doen voor u hier yet bestaet. Psalm.34,5'Tis waer mijn Godt, dat ic een zondaer bin Psalm.51,7Verstrickt, onderworpen vele ghebreken En keer tot niet, uyt my selven besweken, Valle haestlijck, word verwonnen niet min. Rom.3,37.Terstont bedroeft, en haest lichtveerdich dan Psalm.6,3.Ick en heb niet daer van ic my mach roemen, Maer wel vercleynen vernieten met schroemen Ick ben swacker als ick begrypen can. En daerom en laet my niet achten ghy, 'Tschijn cleyn oft groot dat ic hier mach voort bringhen, Rom.12,16.Door al mijn doen, hoochachtelijcke dinghen, 'Teeuwich laet loven en begeeren my. 2.Thess.3,4.Keert mijn hert, dat my d'eeuwige waerheyt Mach boven alle dinghen hier ghevallen, Laet mijn cleynheyt en nieticheyt met allen, Mijn mishaghen stadich met herten leyt.
En dat ick en vliede, vrees noch veracht,Matth.5,4. Geen dinck so seer, als mijn zond' en misdadenEccles.21,1. Meer als my die menschen moghen beschaden Als mijn tijtlijck hier wort t'onder ghebracht. Noch en laet my niet wandelen onwijs,Matth.7. Onclaer voor u stoutmoedich oft vermeten,Eph.5,15. Op dat ick u verborgentheyt mach weten, Niet versuymen mijn salicheyt propijs. Voor al ghy den stouten seer teghen zijt,Iacob.4,6. Sy vallen in d'aenvechtinghe ten gronde,Tob.4,10. Om den hoochmoet, die over groote zonde, Van sulcken wesen my doch Heer bevrijdt.psal.119,20 Alsoo dat ick u oordelen met spoetGen.17,1. Mach vresen en voor uwen toorne beven,Exod.15,7. Ghy die almachtich zijt en hooch vergeven,Eccles.3,24. Wiens gramschap een elc zondaer vresen moet. Niet uwe wercken maer die boosheyt bloot, Die mijn is, wilt my ondersoecken leeren In wat groot saken, t'mijnder oneeren, Ick my versuymt hebbe deur zonden groot. Die aendacht (Heere) die ick hebbe sal,Exod.35,25 Naer u behaghen in mijn doen ghemeyne, Laet die niet zijn in mijn woorden alleyne, Maer in mijn herte binnen boven al. En in mijn verstant Heere my verlicht,Ephes.1,18. En wilt mijn begeeren oock recht reyn maken Dat ick d'eeuwige dingen recht mach smaken En daer na jaghen met claren ghesicht. Niet achtende al 'tgeen dat tijdtlijck is, Liever vant Hemels dan vant aertsch te hoorenmatt.13,22. Onder die nootdrufte niet te versmooren Maer ghebruycken 'tsienlijck als onghewis. Dat ick dan soo mach bevinden o Heer, Wat de Gheest der waerheyt heel onbeswekenIoan.14,1. My int ghemoet sal vriendelijck toespreken, In u waerheyt my leyden altijdt meer.Ioan.16,15.
Alsoo my het tijdtlijck versmaden leer, 1.Ioan.2.15Die weerelt vlieden, 'tHemelsche beminnen, Matt.6,33Den Hemel soecken, met crachte van binnen, Al dit te samen tot uwes Naems eer. Ephes.5,19.Eenen Lofsanck sal ick u brenghen voort, Als ick bevind' Heer dees daden ghepresen, My toecomende deur u vrientlijck wesen, Om dat ghy mijn clachreden hebt verhoort. Laet dit doch Heere na 't betamen fijn Mijnder zielen toecomen t'haerder baten, Niet uyt verdienst, maer deur u charitaten, Laet dit deur Christum, Amen zijn.
Cookies on Poetry Cove