Het groote liede-boeck

Nae de wyse: 'Tis heden een dach van vrolijckheyt. Dies est lecitie. A.D.G.V.E. GHI uytvercoren kinderen, Hebr.10,25.Waer dat ghy zijt met namen, En laet u niet verhinderen, Stadich te versamen, 1.Cor.12,1.Want daer door de liefde wast, En 'tgeloove wordt heel vast, 'Tgaet oock seer vermeeren, Elck een brengh also 'tbehoort, Syne goede gaven voort, Tot den prijs des Heeren. Sticht oock malcanderen, Soo in goeder maten, Dat ghy meucht veranderen, 1.Petr.3,11.End' het quade laten, Psal.37,4.Om te doen alleen het goet, Dat een Christen Psalm 1,16.hier doen moet, Soeckt vree, wilt daer nae jaghen, Teghen elcken openbaer, Matt.5,16.Laet uwe lichten luchten claer, Wilt ghy Godt behaghen. Mijn lieve Broeders in den Heer, Susters allegader, Ick wensche dat de vred' 2.Petr.1,2.hem meer Die comt van Godt den Vader, Door Iesum Christum synen Soon, En door de cracht sijns Gheestes schoon, Dat ghy meucht opmercken,

Dienen Godt met ziel en lijf, Heylich in al u bedrijf,1.Pet.1,16. De Heer wil u verstercken.1.Cor.5,3. Hoewel ick niet en ben present,Colos.2,4. By u met den lichame, Soo zijt ghy in mijn hert gheprent, Als leden bequame, Godt gheve dat wy al ghelijck, Vergaderen int Hemelrijck, Daer nae so laet ons haken, Op dat wy worden becleyt, Met de groote heerlijckheyt, Wilt gheen onschult maken.Mat.22,5. Nu ghy oock gheroepen zijt, Ter Bruyloft te comen, Neemt doch waer u corte tijt, Bereyt u als de vromen, De Bruydegom die wil ingaen, Om de gasten te schouwen aen Wie onbereyt wort vonden,Matth.22,11. Comt tot schanden onbeleeft, Gheen goed' antwoordt hy en heeft, Hy wordt vast ghebonden. Werpt hem in de duysternis, Sal de Coninck spreken, Hem die onbecleedet is Tijdt sal daer ghebreken Wederom te gaen naer huys, Hem te boogen onder t'Cruys, Wilt het doch aenveerden,Matth.10,38. Dewijl ghy hebt tijdts ghenoech Slaet u handt vry aen den ploech,Luce 9.62. Wilt doch vroom volheerden. Wandelt wijslijck nae den Gheest,Galat.3,3. Soo ghy hebt begonnen, Dat ghy van 'tghecroonde Beest, Niet en wordt verwonnen,Apoc.13,1. De vyandt comt by schoonen dach,1.Pet.5,8. Die s'nachts niet comen en mach Soeckt ons te beswaren: V van Godt dochMatth.12,43. niet en keert, Dat ghy van hem hebt gheleert, Wilt ghetrou bewaren. T'is het rechte Fundament,Matth.16,18. Wilt daer vast op bouwen, T'ghene dat ghy1.Cor.3,16.

hebt bekent, Wilt vast onderhouwen, Apoc.2,10.Blijft ghetrou tot in den doot, Mat.7,25.Valt niet door de winden groot, Eph.4,14.Die aen t'huys nu blasen, En beneffens comen Galat.2,4.in, Wijckt niet nae, een elckes zin, Mat.25,20.Want soo doen de dwasen. Elck een houd' hem cloeck en wijs, Als een knecht des Heeren, Loopt vrijmoedich Hebr.12,1.nae den prijs, Wilt niet omme keeren Ter rechter noch ter slincker handt, Apoc.21,1.En wijckt doch niet, ghy comt int landt Gen.19,26.Wilt niet omme kijcken, Om t'gheen dat Matth.24,17.ghy achter laet, Want het altemael vergaet, T'sal als roock verblijcken. Maer t'gheen dat ons is beloeft, Dat sal eeuwich dueren, Wie ghetrou blijft, Iac.1,3.en beproeft, Comt in s'Hemels mueren, Hebr.10,38.Wie daer wijckt, wordt niet ghecroont, Des Goddeloosen niet verschoont, Elcken sal verschynen, Daer nae dat hy heeft Matth.16,27.ghedaen, Naer sijn wercken loon ontfaen, In vreuchd' oft in pynen. Ghy vrienden in het Emderlandt, Ick laet u hier met groeten, Bevolen zijt in Godes handt, De Heer wil u ontmoeten, Met syner Godlijcker aert, Dat ghy meucht blyven onbeswaert, Ephes.3,4.Soo wy zijn ghescheyden, Eenich in den Matth.10,12.gheeste jent, Blijft volstandich tot den ent, Godt wil u gheleyden.